नंदुरबार l प्रतिनिधी
येथे जय हिंगलाज माता भावसार प्रतिष्ठान , युनायटेड भावसार ऑर्गनायझेशन,आणि जय हिंगलाज माता महिला मंडळाच्या संयुक्त विद्यमाने विद्यार्थी गुणगौरव,ज्येष्ठांचा सन्मान आणि भंडारा उत्सव संपन्न झाला .
सदर कार्यक्रमाच्या अध्यक्षस्थानी सामाजिक कार्यकर्ते गुणवंत भावसार,तर प्रमुख पाहुणे म्हणून भावसार विकास बहुउद्देशिय संघाचे महासचिव व फैजपुर भावसार समाज अध्यक्ष योगेश भावसार, महासभा महाराष्ट्र राज्य जळगांव शाखेचे कार्याध्यक्ष पंकज माळवी,पोलिस अधीक्षक कार्यालयातील पोलिस निरीक्षक राजेंद्र भावसार उपस्थित होते.गुणगौरव कार्यक्रमात,बालवाडी पासून डॉक्टरेट केलेल्या सर्व विदयार्थ्याचा गुणगौरव मान्यवरांच्या हस्ते करण्यात आला.दोघांना डॉक्टरेट तर पंचवीस विद्यार्थ्यांना पदवी तसेच पन्नास शालेय विद्यार्थ्यांचा गुणगौरव करण्यात आला,तसेच समाजातील सुमारे पंचावन्न ज्येष्ठांचा सन्मान करण्यात आला नंतर भंडारा उत्सव साजरा करण्यात आला.कार्यक्रमात योगेश भावसार,पकंज माळवी,राजेश भावसार यांनी समाजातील गरीब होतकरू गुणवंत विदयार्थ्याना अर्थसहाय देवून शिक्षणात समाज मागे राहणार नाही यासाठी समाजातील दानशुर व्यक्तीनी मदतीसाठी पुढे आले पाहिजे असे आवाहन उपस्थितांना केले. कार्यक्रमाच्या अध्यक्षांच्या वतीने प्रा.मुकेश वाडेकर यांनी मनोगत व्यक्त केले. कार्यक्रमाचे प्रास्ताविक प्रल्हाद भावसार यांनी सुत्रसंचालन प्रा.डॉ.उपेंद्र धगधगे तर आभार जितेंद्र धगधगे यांनी मानले.कार्यक्रमाच्या यशस्वीतेसाठी प्रतिष्ठानचे अध्यक्ष जयवंत धगधगे,कार्याध्यक्ष प्रा.मुकेश वाडेकर,उपाध्यक्ष प्रा.प्रमोद भावसार,खजिनदार राजेश भावसार,सचिव देवेंद्र भावसार,युनायटेड ऑर्गनायझेशनचे अध्यक्ष प्रल्हाद भावसार,भावसार बहुउद्देशिय संघाचे अध्यक्ष सुनील भावसार,महिला मंडळाच्या अध्यक्षा मुक्ता भावसार, संदीप भावसार,भिकचंद भावसार,प्रविण भावसार,सागर भावसार,व जय हिंगलाज माता भावसार प्रतिष्ठानच्या सर्व पदाधिकारी आणि कार्यकर्त्यांनी परिश्रम घेतले.
