नंदुरबार l प्रतिनिधी
नवापूर शहरातील नवरंग रेल्वे गेटजवळ रस्ता ओलांडणाऱ्या ५२ वर्षीय इसम दुचाकीने धडक दिल्याने ठार झाल्याची घटना घडली आहे.
याबाबत पोलिस सूत्रांनी दिलेल्या माहितीनूसार, नवापूर येथील मोहन भुवान सोलंकी रा.नवरंग गेटजवळ, नवापूर हे शौच करुन रस्ता ओलांडत होते. यावेळी एका दुचाकी चालकाने त्याच्या ताब्यातील दुचाकी रस्त्याच्या परिस्थितीकडे दुर्लक्ष करुन भरधाव वेगात चालवून समोरुन येणाऱ्या मोहन सोलंकी यांना धडक दिल्याने गंभीर दुखापत झाल्याने त्यांचा मृत्यू झाला. याबाबत चिकू मोहन सोलंकी यांच्या फिर्यादीवरुन नवापूर पोलिस ठाण्यात अज्ञात दुचाकी चालकाविरोधात भादंवि कलम ३०४ (अ), २७९, ३३७, ३३८, मोटार वाहन कायदा कलम १८४, १३४/१८७ प्रमाणे गुन्हा दाखल करण्यात आला आहे. पुढील तपास पोहेकॉ.प्रतापसिंग वसावे करीत आहेत.
