नंदुरबार | प्रतिनिधी –
नंदुरबार शहरातील नवकार मार्बलसमोर भरधाव वेगातील पिकअपने दुचाकीला धडक दिल्याने झालेल्या अपघातात शिक्षक ठार झाल्याची घटना घडली आहे .या अपघातप्रकरणी पिकअप चालकाविरुध्द गुन्हा दाखल करण्यात आला आहे .
याबाबत पोलीस सुत्रांनी दिलेल्या माहितीनुसार , नंदुरबार शहरातील नवकार मार्बलसमोर भरधाव वेगातील पिकअप वाहन ( क्र.एम.एच .१६ सी.सी.९ २८४) ने दुचाकी (क्र.एम.एच .३९ पी .५५५८)समोरुन जबर धडक दिली. या अपघातात कोरीट येथील के.डी.गावीत विद्यालयातील शिक्षक प्रशांत भाईदास पटेल ( वय ४५) रा.योगेश्वर कॉलनी,नंदुरबार यांना जबर दुखापत झाल्याने त्यांचा मृत्यू झाला.अपघातानंतर घटनास्थळी बघणार्‍यांची एकच गर्दी जमली होती . दिलीप भाईदास पाटील यांच्या फिर्यादीवरुन पिकअप चालक लक्ष्मण सोपान झिंजाड रा.रहांदे ता.पारनेर जि.अहमदनगर याच्याविरुध्द भादंवि कलम ३०४ ( अ ) , २७ ९ , ३३७ , ३३८ , ४२७ सह मोटारवाहन कायदा कलम १८४ , १३४/१८७ प्रमाणे गुन्हा दाखल करण्यात आला असून पुढील तपास पोकॉ.राजेंद्र दाभाडे करीत आहेत .
