म्हसावद l प्रतिनिधी
शहादा तळोदा विधानसभा युवक काँग्रेसच्या अध्यक्षपदी म्हसावद येथील सचिन किशोर बेदमुथा हे विजयी झाले आहेत. काँग्रेस पक्षाच्या संघटनात्मक झालेल्या ऑनलाईन निवडणुकीत त्यांना पाच हजार 176 मते मिळाली आहेत.
युवकांच्या संघटनासाठी लोकशाही पद्धतीने युवक काँग्रेसची पक्षांतर्गत निवडणूक घेण्यात आली. वुईथ इंडियन युथ काँग्रेस या मोबाइल ॲपद्वारे ऑनलाईन मतदान घेण्यात आले. या मतदान प्रक्रियेत शहादा तळोदा विधानसभा मतदार संघातील युवकांनी उत्स्फूर्तपणे मतदान केले. युवक काँग्रेसची डिजिटल सदस्य नोंदणीसोबतच ऑनलाईन निवडणुकीसाठी १२ नोव्हेंबर 21ते १२ डिसेंबर २०21 या एक महिन्याच्या कालावधीत मतदान झाले होते.या निवडणुकीचा निकाल घोषित करण्यात आला. त्यात शहादा तालुक्यातील म्हसावद येथील सचिन किशोर बेदमुथा हे पाच हजार 176 मते मिळवून शहादा तळोदा विधानसभा युवक काँग्रेसच्या अध्यक्षपदी विजयी झाले. जि. प.अध्यक्षा ॲड.सीमा वळवी, माजी मंत्री ॲड.पद्माकर वळवी, किशोर बाबुलाल बेदमुथा,नगरसेवक गौरव वाणी,जि.प.सदस्य हेमलता शितोळे, शहादा तालुका काँग्रेस अध्यक्ष सुरेश नाईक, पं स.सदस्य सत्येन वळवी, विजय पावरा,जाधव ठाकरे,निलेश पाटील, दिलीप पावरा,उपसभापती पं स. किशोर पाटील, करण ठाकरे, युवराज शेवाळे, हर्षल पाटील,ओंकार पटले,दिवाण खर्डे, केशव पावरा यांनी मार्गदर्शन करून सहकार्य केले.