नंदूरबार येथे गुरू रविदास जयंती उत्साहात साजरी

म्हसावद l प्रतिनिधी
नंदूरबार येथे गुरू रविदास नोकरदार मैत्री संघाच्यावतीने संत रविदास यांची 624 वी जयंती साजरी करण्यात आली.
यावेळी प्रमुख अतिथी म्हणून शहर पोलीस ठाण्याचे पोलीस निरीक्षक किरणकुमार खेडकर , माजी उपशिक्षणाधिकारी जिल्हा परिषद शांतीलाल मोरे ,निवृत्ती वसईकर ,शांतीलाल शिंदे उपस्थित होते . त्यांच्या हस्ते गुरू रवीदासाना फुल हार अर्पण करून व दीप प्रज्वलित करून त्यांना वंदन करण्यात आले या वेळी कोरोना काळात जे स्वर्गवासी झालेत त्यांना श्रद्धांजली अर्पण करण्यात आली रमेश मलखेड व विजय सोनवणे यांना राज्य स्तरीय शिक्षक पुरस्कार मिळाल्याबद्दल त्याच्याही सत्कार करण्यात आला
गुरू रवीदासाना अभिवादन म्हणून वंदन गीत व भजन गायिले गेले व जय घोष करण्यात आले. गुरू रविदास नोकरदार मैत्री संघाचे अध्यक्ष केशव राजभोज यांनी रवीदासांचे विचार मांडले. त्यांच्या कार्यानुसार जनतेला चालण्याचे आग्रह केले . स्त्री पुरुष याना समान अधिकार हवे समता समानता हवी अशी त्यांची शिकवण होती.
कार्यक्रम प्रसंगी प्रास्ताविक सुभाष सावंत यांनी केले.सूत्र संचालन सुभाष मोरावकर यांनी तर आभार गणेश सावंत यांनी मानले कार्यक्रम यशस्वी करण्यासाठी विजय शेवाळे, नाना अहिरे,सुनील गांगुर्डे,प्रशांत शिंदे,नामदेव शेवाळे, सुरेश जाधव या संघटकांनी प्रयत्न केले.