अटलबिहारी वाजपेयी सार्वजनिक वाचनालयातर्फे संत रोहिदास व संत सेवालाल महाराज जयंती साजरी

म्हसावद l प्रतिनिधी
येथील अटलबिहारी वाजपेयी सार्वजनिक वाचनालय आणि पूज्य साने गुरुजी वाचनालय यांच्या संयुक्त विद्यमानाने थोर संत रोहिदास व संत सेवालाल महाराज यांची जयंती साजरी करण्यात आली. सामाजिक कार्यकर्ते सुरेश चव्हाण व वाजपेयी वाचनालयाचे अध्यक्ष प्रा.ज्ञानी कुलकर्णी यांनी संतांच्या प्रतिमेला पुष्पमाला अर्पण करून अभिवादन केले.प्रा.ज्ञानी कुलकर्णी यांनी दोन्ही संतांची शिकवण आपण आचरणात आणावी. त्यांनी केलेला उपदेश पाळला तर समाज उन्नती होईलच. असे प्रतिपादन केले. या प्रसंगी वाचनालयाचे संचालक के.के.सोनार, ग्रंथपाल किशोर पाटील, सहाय्यक कांतीलाल पाटील,अभ्यास वर्गाचे विद्यार्थ्यी उपस्थित होते. उपस्थितांनी प्रतिमेला पुष्प अर्पण करून अभिवादन केले.