राज्यस्तरीय चित्रकला स्पर्धेत वनवासी विद्यालयाचे यश

नंदूरबार l प्रतिनिधी
रस्ता सुरक्षा जीवन सप्ताह निमित्ताने राज्यस्तरीय चित्रकला पोस्टर स्पर्धा घेण्यात आली.स्पर्धेत वनवासी विद्यालयाचे यश मिळवले आहे.
स्वातंत्र्याच्या अमृत महोत्सव निमित्त प्रजापिता ब्रह्मकुमारी ईश्वरीय विश्वविद्यालय संलग्न राजयोग एज्युकेशन अँड रिसर्च फौंडेशन, अहमदपूर आणि सृजन संस्था यांच्या संयुक्त विद्यमाने रस्ता सुरक्षा जीवन सप्ताह निमित्ताने राज्यस्तरीय चित्रकला पोस्टर स्पर्धा घेण्यात आली ह्या स्पर्धेत वनवासी विद्यालय व एस.सी. चव्हाण कनिष्ठ महाविद्यालय ,चिंचपाडा ता. नवापूर येथील विद्यार्थ्यांनी ऑनलाइन राज्यस्तरीय चित्रकला पोस्टर स्पर्धेत सहभाग घेतला. या राज्यस्तरीय चित्रकला स्पर्धेत राणी नरेश पाडवी (८वी -अ )या विद्यार्थ्यांनी तृतीय क्रमांकाचे बक्षीस मिळवल्याबद्दल शाळेच्या वतीने तिचा पुष्पगुच्छ व प्रमाणपत्र देऊन गौरव करण्यात आला. तसेच अनामिका देविदास वसावे ,(१२वी सायन्स), रोशनी नरेश पाडवी (11वी- कला), पुनम नरेश पाडवी (१२वी सायन्स ), कुमार दशरथ नरेश पाडवी(७ वी-अ) या विद्यार्थ्यांना सहभाग प्रमाणपत्र मिळाले त्यांचाही शाळेच्या वतीने गौरव करण्यात आला.स्पर्धेतील यशस्वी विद्यार्थ्यांना कलाशिक्षक प्रदिप देसले व संभाजी गावीत यांनी मार्गदर्शन केले.तसेच यशस्वी विद्यार्थ्यांचा गौरव व कौतुक शाळेचे प्रभारी मुख्याध्यापक व्ही.एस. वाघ,आर.डि.सोनवणे, जेष्ठशिक्षिका व्ही.एस.न्हायदे,शिक्षक ए.के.लोहार ,पी.एच. पाडवी यांनी केले .