तळोदा l प्रतिनिधी
तळोदा तालुक्यातील रांझणी येथील विठ्ठल मंदिर परिसरात भक्त निवास बांधकामाचे भूमिपूजन जि.प.अध्यक्षा ॲड. सीमा वळवी यांच्या हस्ते करण्यात आले.
कार्यक्रमाच्या अध्यक्षस्थानी जि.प. सदस्या संगीता प्रकाश वळवी तर प्रमुख अतिथी म्हणून पंचायत समिती सदस्य दाज्या पावरा होते. यावेळी जि. प. सदस्या सुनीता भरत पवार पं. स. सदस्य विक्रम पाडवी, विठ्ठल मंदिर सेवा समितीचे अध्यक्ष मंगा मराठे, माजी उपसरपंच अश्विनी गोसावी, विजय ठाकरे, अनिल पवार, प्रकाश वळवी, नाथ्या पावरा, ग्रामपंचायत प्रशासक बी.के. पाटील, विस्ताराधिकारी बि.डी.मोहिते राहुल पावरा आदी उपस्थित होते. यावेळी ॲड.सीमा वळवी म्हणाल्या की, विठ्ठल रुक्माई मंदिरामुळे रांझणी गावात एकादशीला यात्रेचे स्वरूप प्राप्त होते.शिवाय मंदिर प्रांगणात भागवत सप्ताह तसेच विविध धार्मिक विधी कार्य हे नित्यनेमाने सुरु असतात.दरम्यान त्या निमित्ताने संत महात्म्यांचा सत्संग होत असतो. त्यांच्या निवासासाठी भक्तनिवास होणे गरजेचे होते.दरम्यान विठ्ठल रुक्माई मंदिर सेवा समिती व ग्रामस्थांच्यावतीने ही मंदिर प्रांगणात संत निवास व्हावे अशी मागणी होती. हे लक्षात घेऊन जि.प.च्या बांधकाम विभागा च्या यात्रा विकास कार्यक्रमांतर्गत भक्तनिवास मंजूर करण्यात आले आहे. सदर काम देवाचे असून ते दर्जेदार झाले पाहिजे अशी अपेक्षाही त्यांनी व्यक्त केली.कार्यक्रमाचे सूत्रसंचालन प्रशासक बी.के.पाटील यांनी तर आभार मंगा मराठे यांनी मानले. कार्यक्रमाला गावातील ग्रामस्थ मोठ्या संख्येने उपस्थित होते.
