नंदुरबार ! प्रतिनिधी
ईद – अल – अजहा अर्थात बकरी ईद बुधवारी जिल्ह्यात साधेपणाने साजरी करण्यात आली . कोरोनाच्या पार्श्वभूमीवर यंदा ईद साधेपणाने साजरे करण्याचे आदेश असल्याने मुस्लिम बांधवांनी घरातच नमाज पठण केले . नंदुरबार शहरातील विविध भागात बकरी ईदच्या पार्श्वभूमीवर पोलीस बंदोबस्त तैनात करण्यात आला होता . ईदगाह मैदानावर नमाज अदा करण्यासाठी मुस्लिम बांधवांकडून गर्दी होत नये यासाठी पोलीस
बंदोबस्त तैनात करण्यात आला होता . दरम्यान जिल्हाधिकारी यांच्या आदेशानुसार मुस्लिम बांधवांनी घरातच नमाज पठण करत नंतर एकमेकांच्या भेटी घेत शुभेच्छा दिल्या . शहरातील विविध मशिदींच्या मौलवींची परवानगी घेत मुस्लिम बांधवांनी नमाज पठण केले . दरम्यान ईदच्या पार्श्वभूमीवर शहादा , नवापूर , अक्कलकुवा , तळोदा याठिकाणीही तगडा पोलीस बंदोबस्त तैनात करण्यात आला होता . बहुतांश जणांनी सोशल मिडियातून एकमेकांना संदेश देत शुभेच्छा दिल्या .
