नंदूरबार l प्रतिनिधी
शहादा लोणखेडा बायपासवर फोरव्हीलर व मोटारसायकलची समोरासमोर भीषण धडकेत मोटरसायकलस्वार जागीच ठार झाला.६ जण जखमी झाले तर एक जण गंभीर जखमी झाल्याने त्याला जिल्हा रुग्णालयात दाखल करण्यात आले आहे.
याबाबत अधिक माहिती अशी की, शहादा लोणखेडा बायपास रस्त्यालगत असलेल्या पाटीदार मंगल कार्यालयासमोर आज दि.26 जानेवारी रोजी दुपारी 1 वाजेच्या सुमारास बोलेरो (क्र. एम. एच. 39, जे.3790) सिंधिदिगर येथील रहिवासी होते. तर कळंबू येथील दोघे म्हसावद येथे लग्नासाठी दुचाकीने ( क्र. एम. एच. 39, पी.8554 ) ने जात असताना बोलेरो व मोटारसायकलची समोरा समोर धडक झाली.या अपघातात दुचाकीस्वार अजय सुभाष मोरे (25) रा. कळंबू ता. शहादा याचा जागीच मृत्यू झाला तर सागर सोमा सोनवणे रा.कळंबू ता. शहादा यांना गंभीर दुखापत झाली त्यांना पुढील उपचारासाठी जिल्हा रुग्णालयात दाखल करण्यात आले आहे.
बोलेरो व मोटरसायकलचा अपघात आज दुपारी एक वाजेच्या सुमारास झाला.हा भीषण अपघात झाल्यानंतर बोलेरो गाडी तीनदा उलटली याठिकाणी नागरिकांनी मोठी गर्दी केली होती.दरम्यान या बोलेरो गाडीतील ५ जण जखमी झाल्याचे समजते त्यांना ग्रामीण रुग्णालय म्हसावद येथे पुढील उपचारासाठी दाखल करण्यात आले. याबाबत उशिरापर्यंत पोलीस ठाण्यात अपघाताबाबत कारवाई सुरू होती.
