नंदुरबार जिल्ह्यात सुरु असलेल्या अवैध बायो डिझेलच्या विक्री संदर्भात व बायो डिझेल विक्रीस पुरवठा शाखेतील अधिकारी कसे अवैध धंद्यांना सहकार्य करतात, या संदर्भात पुराव्यानिशी प्रहार शेतकरी संघटनेतर्फे जिल्हाधिकार्यांकडे तक्रार करण्यता आली होती. आणि दि.२६ जानेवारी २०२२ रोजी जिल्हाधिकारी कार्यालय, नंदुरबार समोर आमरण उपोषण आंदोलन करण्याचा ईशारा दिला होता. त्या पार्श्वभूमीवर जिल्हाधिकारी, नंदुरबार यांनी तक्रारीची अक्कलकुवा तालुक्याचे तत्कालिन पुरवठा निरीक्षक लोटन धनगर यांना आज २४ जानेवारी २०२२ रोजी निलंबन केल्याचे निवासी उपजिल्हाधिकारी, नंदुरबार यांनी प्रहार शेतकरी संघटनेला ई-मेलद्वारे कळविले आहे. तसेच या प्रकरणात जे अधिकारी शामिल आहेत, त्यांनाही नोटीसी बजावण्यात आल्याचे त्यांनी सांगितले आहे. त्यामुळे प्रहार शेतकरी संघटनेने दि.२६ जानेवारी २०२२ रोजी पुकारलेले आमरण उपोषणाचे आंदोलन तूर्तास स्थगित केले आहे.
