नंदुरबार| प्रतिनिधी
नंदुरबार तालुक्यातील अडची ते पथराई रस्त्यावर अज्ञात वाहनाच्या धडकेत एकाचा मृत्यू झाल्याची घटना घडली आहे. याप्रकरणी अज्ञात वाहन चालकाविरूध्द उपनगर पोलीस ठाण्यात गुन्हा दाखल करण्यात आला आहे.
याबाबत पोलीस सुत्रांनी दिलेल्या माहितीनुसार, मयत युवराज सुभाष पाटील हे करणखेडा येथे आत्याला भेटण्यासाठी मोटरसायकल (क्र.जी.जे.१५-डी.ए.५६४६) वर जात असतांना अज्ञात वाहनाने आडची ते पथराई रस्त्या दरम्यान त्यांच्या मोटारसायकलला जोराची ठोस दिली. या अपघातात युवराज सुभाष पाटील (४०) रा.पथराई (ता.नंदुरबार) यांच्या डोक्यास गंभीर दुखापत होवून त्यांचा मृत्यू झाला. अपघाताची खबर न देता अज्ञात वाहनचालक फरार झाला. याप्रकरणी विजय लिंबजी पाटील रा.पथराई (ता.नंदुरबार) यांच्या फिर्यादीवरन अज्ञात वाहन चालकाविरूध्द उपनगर पोलीस ठाण्यात भादंवि कलम ३०४ (अ) २७९, ३३७, ३३८, ४२७ सह मोटरवाहन कायदा कलम १९४, १३४, १८७ प्रमाणे गुन्हा दाखल करण्यात आला आहे. याप्रकरणी पुढील तपास पोहेकॉ कैलास मोरे करीत आहेत.
