नंदुरबार ! प्रतिनिधी
भारतीय जनता युवा मोर्चा च्या संघटनात्मक विस्तार करण्यासाठी माजी ऊर्जा मंत्री तथा प्रदेश महामंत्री चंद्रशेखर बावनकुळे तसेच युवा मोर्चाचे प्रदेशाध्यक्ष विक्रांत पाटील यांच्या संभाव्य दौर्‍या आपल्या युवक टीमचा माध्यमातून यशस्वी होईल असा मला विश्वास आहे त्यासाठी आपण संपूर्ण युवा टीमने तन, मनाने कामाला लागावे असे आवाहन भारतीय जनता पार्टीचे जिल्हाध्यक्ष विजय चौधरी यांनी आज केले.
भारतीय जनता पार्टी युवा मोर्चाची महत्वपूर्ण बैठक भाजपा जिल्हाध्यक्ष विजय भाऊ चौधरी यांच्या प्रमुख उपस्थितीत आज भाजपा जिल्हा कार्यालय विजयपर्व येथे घेण्यात आली आहे. सदर बैठकीला युवा मोर्चाच्या सर्व मंडल अध्यक्ष, सरचिटणीस सह जिल्हा पदाधिकार्‍यांनी उपस्थित होते.
भारतीय जनता पार्टी युवा मोर्चाच्या संघटनात्मक विस्तार करणे, जास्तीत जास्त युवकांना सभासद करणे, युवा वॉरियर, हेल्थ वॉरियर यांना जोडणे, माजी ऊर्जा मंत्री तथा प्रदेश महामंत्री मा श्री चंद्रशेखर बावनकुळे तसेच युवा मोर्चाच्या प्रदेशाध्यक्ष विक्रांत पाटील यांच्या संभाव्य दौर्‍याचे नियोजन करणे, शेतकरी युवा मेळावा घेणे आदी विषयावर बैठकीत चर्चा करण्यात आली.
सदर बैठकीला जिल्हा संघटन सरचिटणीस निलेश माळी, सरचिटणीस जितेंद्र जमदाडे, सरचिटणीस राजेंद्र गावित, युवा मोर्चा जिल्हा प्रभारी हर्षल विभांडिक, युवा मोर्चा जिल्हाध्यक्ष हर्षल पाटील, युवा मोर्चा सरचिटणीस कुणाल जैन, सरचिटणीस सचिन देवरे आदि युवा मोर्चाचे सर्व पदाधिकारी उपस्थित होते.
