नंदुरबार | प्रतिनिधी
दोन दुचाकींमध्ये अपघात होवून जखमी अवस्थेत रस्त्यावर पडल्याने भरधाव ट्रकचे चाक कमरेसह पायावर गेल्याने महिलेचा जागीच मृत्यू झाला. तर हातावरून चाक गेल्याने तिचा पती गंभीर व जेठ जखमी झाल्याची घटना चिंचपाडा पोलीस चौकी जवळ घडली.याप्रकरणी दोघांविरूध्द गुन्हा दाखल करण्यात आला आहे.
नवापूर तालुक्यातील काळंबा येथील ईश्वर शांतु गावीत हे दुचाकीने लहान भाऊ दिनेश उर्फ दानियात शांतु गावीत तसेच त्याची पत्नी इंकुताबाइ र्दिनेश उर्फ दानियत गावीत हे तिघे दुचाकी(क्र.एम.जे.१९- आर.१३१८)जामपाडा येथन काळ|बाकडे जात होते. यावेळीभरधाव वेगात समोरून येणार्या दुचाकी (क्र.एम.एच.३९-ए.जी.७२५०) मोटारसायकलीला धडक दिली.अपघात घडुत चदुचाकीवरून खाली पडल्याने इंकुबाई दिनेश उर्फ दानियत गावीत व दिनेश उर्फ दानियत शांतु गावीत हे दोघे जखमी झाले. त्यावेळी चिंचपाडा रेल्वे गेटकडुन भरधाव वेगात येणार्या ट्रकचे (क्र.सी.जी.०४-एच.एन.८६५७)चाक इंकुताबाई गावीत यांच्या कंबरे सह पायावरून गेल्याने त्या गंभीर जखमी होवून जागीच ठार झाल्या तर त्यांचे पती दिनेश गावीत यांच्या देखील हातावरून ट्रकचे चाक गेल्याने ते गंभीर जखमी झाले तसेच दुकचास्वार ईश्वर शांतु गावीत हे जखमी झाले आहे. याबाबत अपघात घडताच ट्रकचालक पसार झाला. ईश्वर गावत यांनी नवापूर पोलीस ठाण्यात फिर्याद दिली आहे. त्यानुसार दिनेश सामु गावीत व ट्रकचालका विरूध्द भादंवि कलम३०४ (अ)२७९,३३७,३३८, ४२७,१८७४प्रमाणे गुन्हा दाखल करण्यात आला आहे. पुढील तपास असई राजेंद्र सोनवणे करीत आहेत.
