म्हसावद l प्रतिनिधी
शहादा येथील किमया युवराज राठोड या आठवीच्या विद्यार्थीनीने चक्क 30 मिनीट 16 सेकंद शिर्षासन तर केलेच पण शिर्षासनात असताना तिने हनुमान चालीसाचे तोंडपाठ पठण, विविध आसनेही केली. विविध आसनेही करते.या विक्रमाची नोंद इंटरनॅशनल वंडर बुक ऑफ रेकॉर्ड मध्ये करण्यात आली आहे.विक्रमाची नोंद झाल्याचे पत्र तीला मिळाले आहे.यासोबत तीला स्मृतीचिन्ह,मेडल व प्रशस्तीपत्र प्राप्त झाले आहे.
कोरोना काळात पूर्ण जगावर कोरोनाचे संकट असताना कुणीही घराबाहेर निघत नव्हते.त्या काळात तिच्याकडे भरपूर वेळ असल्यामुळे तीला योगासनाची आवड निर्माण झाली.प्रसार माध्यमांच्या इंडिया टि.व्ही.वरील “कोरोनासे जंग बाबा रामदेव के संग”कार्यक्रम बघुन,यु ट्यूब वरील व्हिडीयो च्या साहाय्याने तसेच आई-वडील व भावाच्या मार्गदर्शनाने स्वतः योगासनांचा सराव करून तिला शीर्षासनाची आवड निर्माण झाली.त्यावेळेपासून सुरुवातीला 1 मिनिट पासून,तर सहा महिन्यापर्यंत सतत चिकाटीने सराव करून विक्रमापर्यंत तीची शीर्षासनाची वेळ निश्चित 30 मिनिटे व 16 सेकंद झाली.महत्वाचे म्हणजे शीर्षासनात हनुमान चालीसाचे पठण करीत 30 मिनिटे व 16 सेकंदाचा कालावधी पूर्ण केला.या बरोबर तीला योगासन,चित्रकला,हस्ताक्षर,गायन,वक्तृत्व,नृत्य,नाट्यछटा,क्रीडा या स्पर्धांमध्ये आवड असून ती स्वतः नृत्यदिग्दर्शन सुद्धा करते.यापुढे” गिनिज बुक ऑफ वर्ल्ड रेकॉर्ड ” करण्याचा तीचा मानस आहे. ती वसंतराव नाईक उच्च माध्य. विद्यालय शहादा येथील क्रीडा संचालक वाय.एस.राठोड यांची ती मुलगी आहे. तीला वेळोवेळी वंडर बुक ऑफ रेकॉर्डचे हैदराबाद येथील मुख्य समन्वयक लॉयन बिंगी नरेंद्र गौड, समन्वयक डॉ. स्वर्णश्री गुर्रम,सुधाकर पाटील(म्हसावद) यांचे मार्गदर्शन लाभले.
सरावाशिवाय जास्त वेळ शिर्षासन केल्यास जमीनीच्या गुरूत्वाकर्षण शक्तीमुळे रक्तप्रवाह उलट्या दिशेने वाहून डोकेदुःखी,चक्कर येणे,अंधारी येणे,पाठीचा कणा,मानेचा मणका याचा त्रास होवू शकतो तर मधुमेह,रक्तदाब असलेल्या व्यक्तींनी अधिक वेळ शिर्षासन केल्यास जिवीतास धोका होवू शकतो.-
डाॅ.राकेश पाटील,शहादा
(एम.बी.बी.एस.अस्थिरोग तज्ञ)
