नंदूरबार l प्रतिनिधी
नंदुरबार तालुक्यातील प्रधानमंत्री आवास ड यादीतील वचिंत व गरजू लाभार्थीना घरकुला पासून वचिंत ठेवू नये अशी मागणी जिल्हा परिषदेचे जिल्हा ग्रामीण विकास यंत्रणेचे प्रकल्प संचालक राजेंद्र पाटील यांचेकडे नंदुरबार पंचायत समितीचे उपसभापती कमलेश महाले यांनी निवेदनाव्दारे केली आहे.
याप्रसंगी पंचायत समिती सदस्य प्रल्हाद राठोड,सुनील वसावे,संतोष साबळे,तेजस पवार,धमेंद्र परदेशी,शेखर पाटील आदी उपस्थित होते.या निवेदनात म्हटले आहे की, नंदुरबार तालुक्यात सन २०१८-१९ या आर्थिक वर्षात ड यादी बाबत सर्हेक्षण करण्यात आलेले होते. ड यादीतील सर्हेक्षण लाभार्थी संख्या साधारण ५७ हजार एवढी होती. त्यापैकी मोबाईल ॲपमध्ये सर्वेक्षण केलेनंतर ४७ हजार लाभार्थी संख्या ऑनलाईन दिसत आहे. उर्वरित १० हजार लाभार्थ्याची मोबाईल ॲपमध्ये सर्वेक्षण करणेकामी उपलब्ध करणे व केंद्र शासनाकडुन ३७०० लाभार्थी अप्राप्त करण्यात आले आहे. त्यापैकी काही लाभार्थी गरजु असुन त्यांना पात्र करण्याबाबत आपल्यास्तरावरुन योग्य ती कार्यवाही करावी. जेणे करुन गरजु लाभार्थी घरकुला पासून वंचित राहणार नाही. अशी मागणी पंचायत समितीचे उपसभापती व सदस्यांनी केली आहे.
