कोरोनाचा कहर : नंदूरबार जिल्ह्यात मंगळवार रोजी आढळले 77 कोरोना रुग्ण, 26 जण झाले कोरोना मुक्त

नंदुरबार | प्रतिनिधी-
नंदुरबार जिल्हयात दि. 11 जानेवारी रोजी 77 जणांचा अहवाल कोरोना पॉझिटीव्ह आला आहे. दरम्यान नंदुरबार जिल्ह्यातील 26 जण
कोरोना मुक्त झाल्याने त्यांना रुग्णालयातून डिस्चार्ज देण्यात आला.
नंदुरबार जिल्हयात दि.11 जानेवारी रोजी कोरोनाने कहर केला असून दिवसभरात 77 कोरोना पॉझिटीव्ह आढळले. यात नंदुरबार तालुक्यात 30, शहादा तालुक्यातील 9, नवापूर तालुक्यात 20 व तळोदा तालुक्यातील 16 तर अक्कलकुवा व धडगाव येथे प्रत्येकी एका रुग्णाचा समावेश आहे. नंदुरबार जिल्ह्यात सध्या 150 च्यावर कोरोना रुग्ण आहेत.त्यात नंदूरबार तालुक्यात सर्वाधिक रुग्ण असून त्यांनी शंभरी पर केली आहे.दरम्यान दि.11 जानेवारी रोजी जिल्ह्यातील 26 जण कोरोना मुक्त झाल्याने त्यांना रुग्णालयातून डिस्चार्ज देण्यात आला.त्यात नंदूरबार तालुक्यातील 25 तर शहादा तालुक्यातील एकाचा समावेश आहे.नंदूरबार जिल्ह्यात कोरोना रुग्ण वाढू नये यासाठी नागरिकांनी काळजी घ्यावी तसेच लसीकरण करून घ्यावे असे आवाहन प्रशासनाने केले आहे.