नंदुरबार l प्रतिनिधी
जिल्हा परिषदेच्य विविध विकास कामांचे उद्घाटन अध्यक्षा ॲड सीमा वळवी यांच्या हस्ते करण्यात आले. नंदुरबार तालुक्यातील पूर्व पट्ट्यातील ग्रामस्थांना या कामांमुळे सोयीसुविधा उपलब्ध होणार असल्याने समाधान व्यक्त करण्यात आले.
नंदुरबार जिल्हा परिषदेचे उपाध्यक्ष ॲड.राम चंद्रकांत रघुवंशी यांच्या पाठपुराव्यातून विविध विकास कामे करण्यात येत आहेत.नंदुरबार तालुक्यातील आराळे व घोटाणे येथील प्राथमिक आरोग्य उपकेंद्राच्या नवीन इमारतीचे उद्घाटन तसेच घोटाणे येथील रस्ता काँक्रीटीकरण कामाचे उद्घाटन तसेच बंदिस्त गटार कामाचे भूमिपूजन जिल्हा परिषदेच्या अध्यक्षा ॲड.सीमा वळवी यांच्या हस्ते काल मंगळवारी उद्घाटन करण्यात आले. याप्रसंगी उपाध्यक्ष ॲड.राम रघुवंशी,शिक्षण सभापती अजित नाईक,महिला व बालकल्याण समिती सभापती निर्मला राऊत, कृषी सभापती गणेश पराडके, पंचायत समितीचे उपसभापती कमलेश महाले, शिवसेनेचे उपजिल्हाप्रमुख रवींद्र गिरासे, आराळ्याच्या सरपंच पूनम गिरासे, घोटाणेचे सरपंच प्रकाश पाटील, कार्यकारी अभियंता सोमनाथ पवार, जिल्हा आरोग्य अधिकारी डॉ.महेंद्र चव्हाण उपस्थित होते.
जिल्हा परिषदेच्या माध्यमातून विकास कामे करण्यात येत आहेत. ग्रामस्थांनी योजनांचा लाभ देण्याचे आवाहन अध्यक्षा ॲड.सीमा वळवी व उपाध्यक्ष ॲड.राम रघुवंशी यांनी केले. कार्यक्रमाप्रसंगी ग्रामस्थ उपस्थित होते. यावेळी मान्यवरांनी मनोगत व्यक्त केले.
आराळे येथील कार्यक्रम आटोपल्यानंतर उपाध्यक्ष ॲड राम रघुवंशी यांनी ग्रामस्थांशी संवाद साधला. ते म्हणाले, गेल्या आठवडाभरापासून जिल्ह्यात कोरोना रुग्ण संख्येत वाढ होत असल्याने नागरिकांनी काळजी घ्यावी.कोरोना प्रतिबंधात्मक लसीचे डोस टोचून घ्यावे. ग्रामस्थांनी कामाव्यतिरिक्त शहरात येऊ नये. गाव कसे निरोगी राहील याकडे ग्रामस्थांनी लक्ष दिले पाहिजे.
