शहादा शहरात विनापरवानगी मिरवणूकीबाबत तीन वेगवेगळे गुन्हे दाखल

नंदूरबार l प्रतिनिधी
शहादा शहरात विना परवानगी मिरवणूक काढून कोराना नियमांचे उल्लंघन केल्याप्रकरणी शहादा पोलिस ठाण्यात जमावा विरूद्ध तीन वेगवेगळे गुन्हे दाखल करण्यात आले आहेत.
याबाबत पोलिस सूत्रांनी दिलेल्या माहितीनूसार, शहादा शहरातील भाऊतात्या पेट्रोल पंप व जुने शहादा प्रवेशद्वारादरम्यान विना परवानगी मिरवणूक काढण्यात आली. जिल्हाधिकाऱ्यांच्या आदेशाचे उल्लंघन करीत डीजे लावून ध्वनीप्रदूषण करीत आरडाओरड करुन फटाके फोडत जल्लोष करुन शांततेचा भंग करण्यात आल्याच्या आरोपावरुन शहादा तहसील कार्यालयाचे मंडळाधिकारी तथा कोव्हीड भरारी पथकाचे अधिकारी शिरीषचंद्र गोटू परदेशी यांच्या फिर्यादीवरुन शहादा
पोलिस ठाण्यात मकरंद नगीन पाटील, अभिजीत मोतीलाल पाटील, अनिल भिमराव भामरे, निलेश दत्तात्रय पाटील, सरजू साहेबराव पाटील, रमाशंकर माळी, राजा ऊर्फ राजेंद्र दिलीप माळी, संजय चौधरी, अरविंद कुवर, किशोर साहेबराव पाटील, मुनेश जगदेव, गणेश रघुनाथ पाटील, सागर मगन मराठे, राजेंद्र अग्रवाल, सुनिल काशिनाथ पाटील, सुनिल पाटील, विनोद जैन, पंकज सोनार, संतोष वाल्हे, गोपाल गांगुर्डे, विजय पाटील, सुरेंद्र कुवर, हितेंद्र वर्मा, रुपेश कोळी, कार्तिक नाईक, कैलास युवराज सोनवणे, शिवाजी मोतीराम पाटील, श्याम जाधव, शुभम चौधरी, लाला पाटील, वैभव तांबोळी, मनिष चौधरी, दिनेश नेरपगार, सोनू पाटील, अप्पू पाटील, गुड्डू पवार, आदित्य डोडवे, सतिष मराठे, बबलू फेटेवाला यांच्यासह १०० ते १२५ जणांविरोधात भादंवि कलम १८८, २६८, २६९, महाराष्ट्र पोलिस कायदा कलम ३७ (१) (३) चे उल्लंघन कलम १३५, ११२, ११७ व आपत्ती व्यवस्थापन कायदा २००५ कलम ५१ बी प्रमाणे गुन्हा दाखल करण्यात आला आहे. पुढील तपास महिला पोलिस उपनिरीक्षक माया राजपूत करीत आहेत. तर याप्रकरणी दाखल दुसऱ्या गुन्ह्यात शोभायात्रेत आर- १ साउँड डी. जे. वाहन क्र (एमएच ०६ एजी ५२६५) च्या मागील बाजुस आसलेल्या स्पीकरवर वैभव तांबोळी व गुड्डू पवार यांच्यासह इतर दोन असे चौघेजण हातात तलवार घेवून विचित्र हावभाव हातवारे करत होते. या चौघांनी जिल्हाधिकाऱ्यांच्या जमावबंदीचा आदेश उल्लंघन केल्याप्रकरणी पोलिसांतर्फे कारवाई करण्यात आली आहे. याप्रकरणी शहादा पोलिसात पोकॉ. भरत पुंडलीक उगले यांच्या फिर्यादीवरून वैभव तांबोळी, गुड्डू पवार यांच्यासह इतर दोन अशा चौघांवर भारतीय हत्यार कायदा कलम अन्वये गुन्हा नोंदविण्यात आला असून पुढील तपास पोना. किरण पावरा करत आहे.दरम्यान, याप्रकरणी तिसरा गुन्हा दाखल झाला असून शोभायात्रेदरम्यान शहरात विविध ठिकाणी पाणी व अल्पोपहाराची स्टॉल लावून गर्दी केल्याप्रकरणी तसेच जिल्हाधिकाऱ्यांचा जमावबंदी आदेशाचा भंग केल्याप्रकरणी विविध स्वयंसेवी संस्थांसह कार्यकर्त्यांवर गुन्हा नोंदविण्यात आला आहे. शहरातील स्वयंसेवी संस्था व विविध संघटनांच्यावतीने शोभायात्रेत उपस्थित राहणाऱ्या नागरिकांसाठी पाणी व अल्पोपहाराचे स्टॉल लावले होते. या स्टॉलमुळे जिल्हाधिकाऱ्यांच्या जमावबंदी आदेशाचा तसेच राज्य शासनाच्या ३१ डिसेंबरच्या आदेशाचा भंग केल्याप्रकरणी पोलीस नाईक मणिलाल पाडवी यांच्या फिर्यादीवरून राजेंद्र अग्रवाल, भुषण रामराजे, अक्षय छाजेड, बियर बार असोशिएशन, राहुल जैन, संतोष महाजन, पिनाकीन पटेल, मकरंद पाटील, आदित्य डोडवे, रुपेश राजपुत, साची गुजराती यांच्यासह काही संघटनेच्या विरोधात गुन्हा नोंदविण्यात आला आहे.