नवापूर ! प्रतिनिधी
नवापूर तालुक्यातील आमराईपाडा , नागझीरी येथून वनविभागाने एका घरातून सुमारे अडीच लाख रुपये किंमतीचे सागवानी लाकूड हस्तगत केले . या प्रकरणी नवापूर पोलिसांत गुन्हा दाखल करण्यात आला आहे . वनविभागाने दिलेल्या माहितीनुसार , दि १३ जुलै रोजी माहितीनुसार वन विभागाने नवापूर तालुक्यातील नागझीरी येथे छापा टाकला . यावेळी प्रादेशिक सहाय्यक वन संरक्षक धनंजय पवार , वनक्षेत्रपाल राजेंद्र पवार यांनी नागझरी दसाफळी व आमराईपाडा ,नागझरी येथे भेट दिली . यावेळी भाऊ गावीत , बाबा गावीत , वंत्या गावीत , तुकाराम गावित यांच्या घराची झडती घेतली असता चार रंधा मशीन बिना मोटारीचे , सोफा सेट एक नग अर्धवट व १३६ साग नग कट साइज व फिनिश टिंबर माल अंदाजे ०२ ते २.५ घ . मि . साग माल मिळून आला .
