नंदूरबार l प्रतिनिधी
नंदुरबार येथील श्रीमती डी आर हायस्कूल येथे आज दि. १ जानेवारी २०२२ पासून, संपूर्ण भारतभर देशाच्या ७५ व्या अमृत महोत्सवी वर्षानिमित्ताने ‘ ७५ कोटी सूर्यनमस्कार संकल्प’ हे अभियान राबविले जात आहे. त्यात सहभागी होण्याच्या उद्देशाने सर्व शिक्षक विद्यार्थी यांनी मिळून आज सूर्यनमस्कार अभियानास सुरुवात केली.
विद्यार्थ्यांना आरोग्याचे महत्व पटवून देण्यासाठी व योग प्राणायाम हे किती जीवनावश्यक आहे या गोष्टी त्यांच्या मनावर बिंबवण्यासाठी उपमुख्याध्यापक नारायण भदाणे पर्यवेक्षक पंकज पाठक, श्रीराम मोडक, क्रीडा विभाग प्रमुख जगदीश बच्छाव, योगेश गवते, दिनेश वाडेकर, अशोक वसईकर यांनी विद्यार्थ्यांसमोर सुर्यनमस्काराचे प्रात्यक्षिक करून दाखवले व त्या पद्धतीने सर्व विद्यार्थ्यांनी सुर्यनमस्काराचे प्रात्यक्षिक केले व संपुर्ण वातवरण योगमय झाले. संपूर्ण कार्यक्रम कोरोना प्रतिबंधक नियम पाळून, सोशल डिस्टंसिंग ठेवून घेण्यात आला. कार्यक्रमाच्या यशस्वीतेसाठी सर्व शिक्षक, शिक्षकेतर कर्मचारी व बी.एड. चे प्रशिक्षणार्थी शिक्षक यांचे सहकार्य लाभले.
