नंदूरबार l प्रतिनिधी
राज्य निवडणूक आयोगाच्या आदेशानुसार नंदुरबार जिल्ह्यातील धडगांव-वडफळ्या-रोषमाळ-ब्रु नगरपंचायतीच्या सदस्य पदांच्या निवडणूकीसाठी मंगळवार 21 डिसेंबर 2021 रोजी मतदान होणार आहे. या निवडणूकीसाठी मतदान केंद्रावर नियुक्त केलेल्या मतदान अधिकारी, कर्मचारी यांना मतदान साहित्य घेऊन जाण्यासाठी सोमवार 20 डिसेंबर, 2021 रोजी रवाना करण्यात येणार आहे.
त्यामुळे नंदुरबार जिल्ह्यातील धडगांव-वडफळ्या-रोषमाळ-ब्रु नगरपंचायत क्षेत्रातील शाळा, महाविद्यालयास 20 व 21 डिसेंबर 2021 या दोन्ही दिवशी सार्वजनिक सुट्टी जाहिर करण्यात आल्याचे आदेश जिल्हाधिकारी मनीषा खत्री यांनी निर्गमित केले आहे.
