नंदूरबार l प्रतिनिधी
देशाचे पहिले सरसेनाध्यक्ष बिपिन रावत व त्यांच्या सोबत असलेले सहकारी यांना माळीवाडा परिसरात नंदूरबार शहर भाजपातर्फे श्रद्धांजली वाहण्याचा आली.
दि.8 डिसेंबर बुधवार हा दिवस सुरक्षा दल व संपूर्ण देशासाठी काळा दिवस ठरला. देशाचे पाहिले सरसेनाध्यक्ष जनरल बिपिन रावत आणि अन्य काही जणांना घेऊन जाणारे भारतीय हवाईदलाचे एम आय17 व्ही 5 हे हेलिकॉप्टर दुपारी साडेबाराच्या सुमारास तामिळनाडूतील कुन्नूर जवळील घनदाट जंगलामध्ये कोसळले. या भीषण अपघातामध्ये जनरल बिपिन रावत त्यांच्या पत्नी मधुलिका रावत यांच्यासोबत सैन्य दलातील अकरा अधिकाऱ्यांचा जणांचा दुर्दैवी मृत्यू झाला.
देशाचे पहिले सरसेनाध्यक्ष बिपिन रावत व त्यांच्या सोबत असलेले सहकारी यांना श्रद्धांजली वाहण्याचा कार्यक्रम भारतीय जनता पक्ष नंदुरबार शहराच्या वतीने माळीवाडा परिसरात घेण्यात आला.
कार्यक्रमास नंदुरबार लोकसभा मतदार संघाच्या खा.डॉ.हिना गावित यांनी बिपीन रावत यांच्या कार्याची आठवण करीत त्यांच्या जाण्याने देशाची व संरक्षण दलाची खूप मोठी हानी झाल्याचे प्रतिपादन करीत भावपूर्ण श्रद्धांजली वाहिली. याप्रसंगी माजी सैनिक नरेंद्र बागुल व किशोर पाटील, जिल्हा सरचिटणीस निलेश माळी, शहराध्यक्ष नरेंद्र माळी,नगरसेवक आनंद माळी , लक्ष्मण माळी , तालुकाध्यक्ष दिपक पाटील , संजय साठे, सामाजिक कार्यकर्ते बाबूलाल माळी, माणिक माळी ,फकीर माळी, डॉ अनिल माळी, मनोज माळी, जितेंद्र माळी, राहुल माळी, योगेश माळी, हर्षल माळी व परिसरातील नागरिक उपस्थित होते.
