नंदूरबार | प्रतिनिधी
कळंबू (ता.शहादा) शेत शिवारातील ठिबक सिंचनच्या नळ्या चोरी करणार्या दोन आरोपींना सारंगखेडा पोलीसांनी अटक केली आहे. त्यांच्याकडून ठिबक नळ्या हस्तगत करण्यात आल्या आहेत.
परिसरातील शेत शिवारात चोरीचे प्रमाण वाढले आहे. गेल्या दोन दिवसांपूर्वी कळंबू (ता.शहादा) येथील गावाजवळील शेताच्या बांधावरून ठिबक सिंचनाच्या २ बंडल ठिबक नळया कोणीतरी अज्ञात चोरट्यांनी चोरुन नेल्या. यावरून गुन्हा दाखल झाला. गुन्हायाचा तपास पोलीस निरिक्षक राजेश शिरसाठ यांच्याकडे होता. त्यांना मिळालेल्या गोपनिय माहितीवरुन पोलीस पथकाने शोध घेत असतांना रात्री गस्तीदरम्यान (ता.१० ) रोजी रमेश सैंदाने, दामू सोनवणे (वय ३०, रा.सारंगखेडा) यांना अटक करण्यात आली असून त्यांच्याकडून ठिबक नळ्या हस्तगत केल्या आहेत. पोलीस निरिक्षक राजेश शिरसाठ यांच्या मार्गदर्शनाखाली पोलीस कर्मचारी चुनीलाल ठाकरे, राजू भील, रोहिदास सोनवणे यांनी आरोपीस अटक केली .
पोलीसांतर्फे आवाहन
परिसरातील शेतकरी बांधवांना पोलीसांतर्फे आवाहन करण्यात आले असून शेतकर्यांनी आपआपल्या शेतातील शेती उपयोगी साहित्य, औजारे आदी साहित्य सांभाळून ठेवावे. आपले साहित्य सुरक्षित राहील याबाबत आवाहन करण्यात आले.
