नंदुरबार | प्रतिनिधी :-
नंदुरबार जिल्ह्यातील धडगाव-वडफळ्या-रोषमाळ बु. नगरपंचायतीची निवडणुकीसाठी ७० उमेदवारांनी नांमाकन दाखल केले होते दरम्यान छानणीत १९ उमेदवारांची नामांकने अवैध ठरविण्यात आली.आता ५१ उमेदवार निवडणुकीच्या रिंगणात आहेत.माघारीनंतरच चित्र स्पस्ट होणार आहे.
धडगाव-रोषमाळ-वडफळ्या नगरपंचायतीचा निवडणूक कार्यक्रम घोषित झाला आहे. त्यानुसार दि.१ डिसेंबर पासून नामांकन अर्ज दाखल करण्यास सुरुवात झाली होती. नगरपंचायतीच्या निवडणूक कार्यक्रमानुसार पाच दिवसांपर्यंत एकही अर्ज दाखल झाला नाही. दि.६ डिसेंबर रोजी ९ नामनिर्देशन पत्र दाखल झाले होते.तर शेवटच्या दिवशी ६१ जणांनी नामांकन दाखल केले.त्यामुळे १७ जागांसाठी ७० उमेदवारांनी नामांकन दाखल झाले होते.आज तहसिल कार्यालयात उमेदवारांची नामांकनांची छानणी करण्यात आली.यात १९ अर्ज अवैध ठरले आहे.यात प्रभाग क्र.२ मधुन कविता पावरा, प्रभाग क्रमांक ३ मधून शेवंती पावरा,योगेश पाटील, प्रभाग क्रमांक ४ मधून कल्याणसिंग पावरा, प्रभाग क्रमांक ५ मधून नितीन चव्हाण, सूनील पावरा.प्रभाग क्रमांक ६ मधून,प्रकाश पावरा, प्रभाग क्रमांक ७ मधून प्रकाश पावरा,प्रभाग क्रमांक ८ मधून साधना ब्राह्मणे, प्रभाग क्रमांक ९ मधून मीनल हुरेज, प्रभाग क्रमांक १० मधून कमलाबाई पावरा,रंजना पावरा, प्रभाग क्रमांक ११ मधून कविता पावरा,सपना पराडके, प्रभाग क्रमांक १२ मधून प्रमोद पावरा, प्रभाग क्रमांक १३ मधून कपिल पावरा, प्रभाग क्रमांक १४ मधून टाग्याबाई पावरा,गीतांजली भदाणे, प्रभाग क्रमांक १५ मधून रेखाबाई पावरा, प्रभाग क्रमांक १७ मधून उमा पराडके यांचे अर्ज बाद ठरवण्यात आले.त्यामुळे आता ५१ उमेदवार निवडणुकीच्या रिंगणात आहेत.माघारीनंतरच चित्र स्पस्ट होणार आहे.यावेळी निवडणुक निर्णय अधिकारी म्हणून प्रांतधिकारी डॉ.चेतनसिंग गिरासे, सहाय्यक निवडणुक अधिकारी म्हणून तहसिलदार ज्ञानेश्‍वर सपकाळे यांनी काम पाहिले. दि.२१ डिसेंबरला मतदारन तर दि.२२ डिसेंबर रोजी मतमोजणी होणार आहे.
