शहादा l प्रतिनिधी
शहादा शहरातील डोंगरगाव चौफुलीवर शिरपूर तालुक्यातून धडगावकडे अवैधरित्या घेऊन जाणारे २१ हजार ६०० रुपयांचे स्पिरीटसह एक लाख रुपये किमतीची इंडिका गाडी असा एकूण एक लाख २१ हजार ६००रुपयांचा मुद्देमालासह शहादा पोलिसांनी तिघांना अटक केली आहे.
याबाबत पोलीस सूत्रांनी दिलेल्या माहितीनुसार,
शहादा पोलिस ठाण्याचे सपोनी गणेश पवार यांना मिळालेल्या गोपनीय माहिती नुसार, श्री.पवार यांच्या मार्गदर्शनाखाली शहादा शहरातील डोंगरगाव चौफुलीवर सापळा रचत पाळत ठेवली. पहाटेच्या सुमारास डोंगरगाव रोड कडुन आकाशी रंगाची एक इंडिका कार (क्र. एम. एच.०१,पीए. ८२०७) थांबवली असता तिच्यात २१ हजार ६०० रुपये किमतीचे स्पिरिटचे १८० पाऊच विनापरवाना वाहतूक करत असताना मिळून आले त्यासोबतच एक लाख रुपये किंमतीची आकाशी रंगाची इंडिका गाडी असा एकूण एक लाख २१ हजार ६०० रुपयांच्या मुद्देमाल पोलिसांनी जप्त केला. सदर स्पिरिट हे लकी भटा चव्हाण रा. वाघपाडा ता. शिरपूर यांचे मालकीचे असल्याचे सांगण्यात आले ते धडगाव येथे घेऊन जात होते. पोलीस शिपाई भरत पुंडलिक उगले यांच्या फिर्यादीवरून मंगलसिंग दुवल्या पटले रा.रोषमाळ खुर्द ता.धडगाव, जितेंद्र धनसिंग ठाकरे रा.वाघपाडा (कोडीद) ता.शिरपूर जि.धुळे,इंदास सुकलाल ठाकरे रा.वाघपाडा (कोडीद) ता.शिरपूर जि.धुळे, तसेच सदरचे स्पिरीट हे मालक लकी भटा चव्हाण रा.वाघपाडा (कोडीद) ता.शिरपूर जि.धुळे वरील तीनही आरोपींना ताब्यात घेतले असून त्यांच्यावर गुन्हा दाखल करण्याचे काम सुरू होते. सदरची कारवाई सपोनी गणेश पवार,पोहेका मेहेरसिंग वळवी,पो. शिपाई दिनकर चव्हाण,किरण जिरेमाळी आदींचा सहकार्याने करण्यात आली.
