नंदूरबार l प्रतिनिधी
वाहतुक नियमांचे उल्लंघन करणाऱ्यांविरोधात नंदुरबार पोलीसांची धडक कारवाई , 2 वाहन चालकांचे परवाने 6 महिण्यांसाठी तर 5 वाहन चालकांचे परवाने 3 महिण्यासांठी निलंबीत करण्यात आली असल्याची माहिती पोलीस अधीक्षक पी . आर . पाटील यांनी दिली.
याबाबत अधिक माहिती अशी की, पोलीस अधीक्षक पी . आर . पाटील यांनी घेतलेल्या मासिक गुन्हे आढावा बैठकीत असे निदर्शनास आले की , मागील वर्षाच्या तुलनेत या वर्षी रस्ते अपघातांमध्ये मोठ्या प्रमाणात वाढ झालेली असुन रस्ते अपघातांमध्ये मृत्युमुखी पडलेल्यांच्या संख्येमध्ये देखील वाढ होत आहे ही बाब चिताजनक असल्यामुळे दारु पिऊन वाहन चालविणाऱ्या चालकांविरुध्द् नंदुरबार जिल्ह्यातील सर्व पोलीस ठाणे हद्दीत विशेष मोहिमेचे दि. 24 ऑक्टोंबर रोजी आयोजन करण्यात आले होते . सायंकाळी नंदुरबार जिल्ह्यातील सर्व पोलीस ठाणे हद्दीत चारचाकी व दुचाकी मोटार सायकल चालकांची अचानक तपासणी केली असता काही वाहन चालकांनी मद्यपान केलेले आढळून आले . त्यामुळे त्यांचे विरुध्द वेगवेगळ्या पोलीस ठाण्यांमध्ये गुन्हे दाखल करण्यात आले . त्यामध्ये प्रामुख्याने नवापूर पोलीस ठाणे 7 , शहादा पोलीस ठाणे 5 , शहर वाहतूक शाखा , नंदुरबार – 5 नंदुरबार तालुका पोलीस ठाणे 4 , नंदुरबार शहर पोलीस ठाणे -4 , धडगांव पोलीस ठाणे 4 , अक्कलकुवा पोलीस ठाणे -3 . विसरवाडी पोलीस ठाणे -2 , सारंगखेडा पोलीस ठाणे 2 , तळोदा पोलीस ठाणे 2 , उपनगर पोलीस ठाणे 2 , मोलगी पोलीस ठाणे 1 म्हसावद पोलीस ठाणे – 1 , असे एकुण 42 गुन्हे मद्यपी चालकांवर नोंदविण्यात आले . तसेच त्यांचे परवाने निलंबीत करण्याची प्रक्रीया नंदुरबार जिल्हा पोलीसांकडून करण्यात आली होती . त्या अनुषंगाने दि. 3 डिसेंबर रोजी उप – प्रादेशीक परिवहन अधिकारी , नंदुरवार यांनी 42 पैकी दारु पिवुन वाहन चालविणारे , अतिवेगाने वाहन चालविणारे व इतर कारणांमुळे 2 वाहन चालकांचे परवाने 6 महिण्यांसाठी तर 5 वाहन चालकांचे परवाने महिण्यासाठी रद्द केलेले आहेत . तसेच उर्वरीत वाहन चालकांचे परवाने निलंबीत करण्याची प्रक्रिया सुरु आहे . याशिवाय आगामी सण उत्सवाच्या काळात देखील नंदुरबार जिल्ह्यातील सर्व पोलीस ठाणे हद्दीत अचानक दुचाकी व चारचाकी वाहन चालकांची तपासणी करून दारु पिऊन वाहन चालविणारे वाहन चालक , अति वेगाने वाहन चालविणारे वाहन चालक , सरकारी नोकरांवर हल्ला करणारे इसम , अवैध धंद्यांसाठी वाहनांचा वापर करणारे वाहन चालक आढळून आल्यास त्यांचेवर कडक कारवाई करुन त्यांचे वाहन परवाने निलंबीत करण्यात येतील असे पोलीस अधीक्षक पी . आर . पाटील यांनी सांगितले . दारु पिऊन कोणीही वाहन चालवू नये , दारु पिऊन वाहन चालविणे केवळ त्यांच्यासाठीच नव्हे तर इतरांसाठी देखील धोकेदायक आहे . नागरीकांनी त्यांच्या व इतरांच्या सुरक्षिततेसाठी वाहतुकीचे नियम पाळावे , तसेच कोणीही मद्यपान करून वाहन चालवू नये असे आवाहन नंदुरबार जिल्हा पोलीस दलातर्फ करण्यात आले आहे.
