नंदूरबार l प्रतिनिधी
शहादा तालुक्यातील पुसनद येथे खरेदी केलेल्या नवीन घराचा नमुना ८ अ चा उतारा मिळन्याच्या मागणीसाठी २ हजाराची लाच स्वीकारणाऱ्या ग्रामसेवकाला रंगेहाथ अटक करण्यात आली आहे.
याबाबत अधिक माहिती अशी की, तक्रारदार यांच्या मुलाचे नावे ग्रामपंचायत पुसनद हद्दीत खरेदी केलेल्या नवीन घराचा नमुना ८ अ चा उतारा मिळण्यासाठी तक्रारदार यांच्याकडे आरोपी लोकसेवक ग्रामसेवक आरोपी उमेश निमसिंग रौदंळे रा . प्लॉट नं . ११ , विनोद नगर , देवपुर , धुळे जि.धुळे याने २ हजाराची रुपये लाचेची मागणी केली.तक्रारदाराने याबाबत पैसे देताना ती रक्कम स्विकारतांना ग्रामसेवक उमेश निमसिंग रौदंळे याला शहादा खरेदी विक्री संघाच्या मुख्य कार्यालयाच्यासमोर मोकळया जागेत लाचलुचपत विभागाच्या पथकाने रंगेहाथ पकडले.सदरची कामगिरी पोलीस निरीक्षक श्रीमती माधवी समाधान वाघ , समाधान महादु वाघ ,पोहवा उत्तम महाजन , पोहवा विजय ठाकरे , पोहवा विलास पाटील , पोना अमोल मराठे , पोना चित्ते , पोना देवराम गावीत , मपोना ज्योती पाटील , पोना नावाडेकर , चापोना महाले अँटी करप्शन ब्युरो , नंदुरबार पथकाने केली आहे .
