नवापूर – नंदुरबार रस्त्यावर दोन दुचाकींची समोरासमोर धडक, भीषण अपघातात तीन युवक गंभीर जखमी

नंदुरबार  l प्रतिनिधी
नवापूर – नंदुरबार रस्त्यावरील भादवड गावाजवळ
दोन दुचाकी समोरासमोर धडकल्याने अपघात तीन युवक गंभीर जखमी झाल्याची घटना घडली आहे.
याबाबत अधिक माहिती अशी की, खांडबारा
भादवड दरम्यान ( एम.एच. 39, ए.ई.1094)
व (जि.जे.5, एल.के.3897 ) यादोन मोटारसायकलीच्या समोरासमोर भीषण अपघात झाला आहे.या भीषण अपघातात तीन युवक गंभीर जखमी झाले आहेत.वरील क्रमांक असलेल्या मोटर सायकली वरील युवकांना स्थानिक नागरिकांनी 108 रुग्णवाहिकाला पाचारण करून
तीघी इसमांना तात्काळ नंदुरबार शासकीय रुग्णालयात हलवण्यात आले आहे.पोलीस सूत्रांनी दिलेल्या माहितीनुसार दोन युवक शिंदखेडा येथील रहिवासीं असून एक युवक ढेकवद गावातील असल्याचे म्हटले आहे दोन युवकांचे पायाला गंभीर इजा झाली असून एका इसमाच्या पाय फॅक्चर झाला आहे. तसेच डोक्यावर देखील गंभीर दुखापत झाली आहे.घटनेची माहिती मिळताच पोलीस अमलदार सुरेश चौरे, अमलदार विश्वास गावित, पोलीस प्रवीण अहिरे घटनास्थळी दाखल झाले. याप्रकरणी पुढील तपास एपीआय नितीन पाटील यांच्या मार्गदर्शनाखाली खांडबारा पोलिस करीत आहेत.