नंदुरबार l प्रतिनिधी
नंदुरबार तालुक्यातील ठाणेपाडा गावाजवळील वळण रस्त्यावर चारचाकी वाहनाने दुचाकीला धडक दिल्याने घडलेल्या अपघातात दोन जण जखमी झाल्याची घटना घडली आहे.याप्रकरणी नंदुरबार तालुका पोलिस ठाण्यात वाहन चालकाविरोधात गुन्हा दाखल करण्यात आला आहे.
याबाबत पोलिस सूत्रांनी दिलेल्या माहितीनूसार, नंदुरबार शहरातील गाझी नगर येथील सलमान युनूस पठाण व फैजल खान युनूस पठाण हे भांडे विक्री करुन नंदुरबारकडे दुचाकीने (क्र.एम.एच.१७ एजी ७१३१) येत होते. यावेळी एका चारचाकी वाहन चालकाने त्याच्या ताब्यातील वाहन (क्र.एम.एच.०१ पीए ३३७१) रस्त्याच्या परिस्थितीकडे दुर्लक्ष करुन ठाणेपाडा गावाजवळील घाटातील वळण रस्त्यावर दुचाकीला धडक दिल्याने अपघात घडला. घडलेल्या अपघातात सलमान पठाण व फैजल पठाण दोघांना दुखापत झाली. याबाबत सलमान पठाण यांच्या फिर्यादीवरुन नंदुरबार तालुका पोलिस ठाण्यात वाहन चालकाविरोधात भादंवि कलम २७९, ३३७, ३३८, ४२७ प्रमाणे गुन्हा दाखल करण्यात आला आहे. पुढील तपास पोना.मुकेश ठाकरे करीत आहेत.
