नंदुरबार l प्रतिनिधी
धार्मीक भावना भडकविणारे व खोट्या बातम्या प्रसारीत करणारे व्हिडीओ किंवा पोस्ट फेसबुक , इंन्स्टाग्राम , व्टिटर , व्हॉटसअपवर प्रसारीत करु नये .असे आढळल्यास त्यावर पोलीस दलातर्फे कडक कारवाई करण्यात येईल असे आढळल्यास पोलिसांशी संपर्क करा असे आवाहन पोलीस अधीक्षक पी.आर.पाटील यांनी केले आहे.
देशातील व महाराष्ट्रातील काही भागात अप्रिय घटनेच्या अनुषंगाने धार्मीक भावना भडकविणाऱ्या काही आक्षेपार्ह पोस्ट खोट्या बातम्या प्रसारीत करणारे ऑडीओ व्हिडीओ तसेच संदेश सोशल मिडीयावर व्हायरल होत आहेत . अशा प्रकारच्या पोस्ट, ऑडीओ, व्हिडीओ तसेच फोटो फॉरवर्ड करु नये . अशा आक्षेपार्ह पोस्ट प्राप्त झाल्यास त्या त्या समाज माध्यमांवर तात्काळ रिपोर्ट करावे . सामाजिक शांतता भंग करणारे समाजविघातक व्हिडीओ पोस्ट फोटो संदेश सोशल मिडीयावर व्हायरल करणे कायद्याने गुन्हा आहे . अशा प्रकारच्या पोस्ट, व्हिडीओ, फोटो, संदेशवर लक्ष ठेवण्याबाबत फेसबुक , इंन्स्टाग्राम , व्टिटर , व्हॉटसअप इत्यादी सर्व सार्वजनिक माध्यमांना पोलीस दलातर्फे आवाहन करण्यात आले.त्यात म्हटले आहे की, सोशल मिडीया व इंटरनेटच्या माध्यमातुन पोस्ट करतांना सामाजिक भान ठेवत माहीती तंत्रज्ञान अधिनियम २००० ( IT ACT २००० ) मधील तरतुदींचे काटेकोरपणे पालन करावे . व्हॉटसअप वापरणारे, गृपमध्ये असणारे सर्व सदस्य विशेषतः गृप ॲडमिन आपल्या गृपमध्ये अशा प्रकारच्य आक्षेपार्ह पोस्ट किंवा व्हिडीओ प्रसारीत होणार नाहीत याची विशेषतः दक्षता घ्यावी . अन्यथा तसा संदेश पाठविणाऱ्यावर संबंधीत कायद्यानुसार कठोर कारवाई करण्यात येईल . नंदुरबार जिल्ह्यात देखील अशा आक्षेपार्ह पोस्ट प्रसारीत होण्याची शक्यता नाकारता येत नाही , तरी अशा आक्षेपार्ह पोस्ट प्रसारीत केल्यास संबंधीत ईसमावर व गृप ॲडमिनवर कायदेशीर कारवाई करण्यात येईल . तसेच फेसबुक , इन्स्टाग्राम व्हॉटसअप व्टिटरवर अशा प्रकारच्या आक्षेपार्ह पोस्ट दिसुन आल्यास तात्काळ सायबर सेल नंदुरबार ( 02564-210111 Ext.403 ) , नियंत्रण कक्ष नंदुरबार ( 02564-210113 ) यावर किंवा आपल्या नजिकच्या पोलीस ठाण्यात संपर्क साधुन माहीती द्यावी . , नंदुरबार जिल्हा पोलीस दलाकडुन सर्व नागरीकांना आवाहन करण्यात येते की , अशा प्रकारचे धार्मीक भावना भडकविणारे व खोट्या बातम्या प्रसारीत करणारे व्हिडीओ किंवा पोस्ट प्रसारीत करु नये . तसेच कोणत्याही अफवांवर विश्वास ठेवू नये . अशा प्रकारचे आक्षेपार्ह व्हिडीओ पोस्ट करतांना कोणीही आढळुन आल्यास त्याची माहीती त्वरीत नजिकच्या पोलीस ठाण्यात देण्यात यावी .असे आवाहन पोलीस अधीक्षक पी.आर.पाटील यांनी केले आहे.
