नंदुरबार l प्रतिनिधी
शहादा शहरातील स्टेट बॅँक समोरील रस्त्यावरुन चोरट्याने दुचाकी लंपास केली.
याबाबत पोलिस सूत्रांनी दिलेल्या माहितीनूसार, शहादा येथील अरुण हिरालाल बोरदेकर यांच्या मालकीची दुचाकी (क्र.एम.एच.३९ एल ३०४८) स्टेट बॅँक समोरील रस्त्यावरुन चोरट्याने लंपास केली. याबाबत अरुण बोरदेकर यांच्या फिर्यादीवरुन शहादा पोलिस ठाण्यात अज्ञाताविरोधात भादंवि कलम ३७९ प्रमाणे गुन्हा दाखल करण्यात आला आहे. पुढील तपास पोहेकॉ.मेहरसिंग वळवी करीत आहेत.
