नवापर l प्रतिनिधी
नवापूर येथील शिक्षक बाहेरगावी गेले असता अज्ञात चोरट्यांनी घरफोडी करीत २१ हजार ५०० रूपयांचा मुद्देमाल लंपास केल्याची घटना घडली.याप्रकरणी अज्ञात चोरटयाविरूध्द गुन्हा दाखल करण्यात आला आहे.
याबाबत पोलीस सुत्रांनी दिलेल्या माहितीनुसार,नवापूर शहरातील आदर्श नगर येथे राहणारे शिक्षक विजय आनंदा बागुल हे दिवाळी निमित्त निजामपुर जैताणे येथे गेले असता.त्यांचे घर ६ दिवसा पासुन बंद होते. याचा फायदा चोरट्यांनी त्यांच्या घरातुन रोख रक्कम व ९ हजाराचे सोन्या,चांदीचा ऐवज असा एकुन २१ हजार ५०० रूपयांचा ऐवज लंपास केल्याची घटना घडली आहे.याप्रकरणी शिक्षक विजय आनंदा बागुल यांच्या फिर्यादीवरून नवापूर पोलिस ठाण्यात अज्ञात चोरटयाविरूध्द गुन्हा दाखल करण्यात आला आहे.याप्रकरणी पुढील तपास पोहेकॉ दादाभाई वाघ करीत आहे.
