नंदुरबार l प्रतिनिधी
सध्या राज्यात सर्व जिल्ह्यात कोविड १९ लसीकरण बाबत विविध माध्यमातून लसीकरण मोहीम राबविण्यात येत आहे . त्यात १८ ते ४५ वयोगट ४५ वर्ष वयोगटावरील नागरिक ६० वर्षावरील नागरिक यांना तालुकास्तर , ग्रामस्तर येथे लसीकरण सत्राचे आयोजन करून कोविड १ ९ लसीकरण करत आहोत . त्याअनुषंगाने जिल्ह्यात नियमित लसीकरणाबरोबरच महाविद्यालयातील विद्यार्थ्यासाठी मिशन युवा स्वास्थ कार्यक्रम राबवण्यात आला होता . जिल्हाधिकारी नंदुरबार , मुख्य कार्यकारी अधिकारी , जिल्हा परिषद नंदुरबार यांचे आदेशानुसार दि.२ व ३ नोव्हेंबर या दिवशी विशेष कोविड १९ महालसीकरण सत्राचे आयोजन करून उत्कृष्ठ कार्य जिल्ह्यात सुरु आहे . दि 3 ते 30 नोव्हेंबर या कालावधीत जिल्ह्यात हर घर दस्तक अभियान राबविले जाणार आहे.
या अभियानात प्रत्येक घरोघरी जाऊन पात्र लाभार्थीना लसीकरण करण्यात येणार आहे , आपले गटातील सर्व गाव, पाडे अंतर्गत असलेले सर्व घरातील पात्र लाभार्थीना उक्त कालावधीत लसिकृत करून सर्व कुटुंब कोविड १९ आजारापासून सुरक्षित करावयाचे आहे . तालुक्यातील सर्व प्राथमिक आरोग्य केंद्र निहाय अभियान राबवणे बाबतचा सूक्ष्म कृती आराखडा तयार करण्यात आला असून कार्यक्षेत्रातील सर्व गाव, पाडे निहाय नागरीकांनी घेतलेले लसीकरणाचा १ ला व २ रा डोस घेतलेले लाभार्थी यादी , १ ला डोस घेतलेले लाभार्थी यादी . २ रा डोस साठी लस घ्यावयाच्या तारखेसह पात्र लाभार्थी यादी , एकही डोस न घेतलेले लाभार्थी यादी . गुजरात अथवा इतर राज्यात कोविड लसीकरण घेतलेले लाभार्थी यादी इत्यादी याद्या प्रथम प्रा . आ . केंद्र निहाय अद्यावत करून तालुकानिहाय एकत्रित याद्या अद्यावत करण्यात येत आहेत . तालुकास्तरीय कृतीदल समिती सभेचे आयोजन करण्यात येणार असून समितीचे सर्व सदस्य याना अभियान बाबत विस्तृत माहिती देण्यात येऊन सहभाग घेण्यात येणार आहे त्याच बरोबर अभियानात जिल्ह्यातील, खासदार , आमदार , जिल्हा परिषद व पंचायत समिती सर्व पदाधिकारी यांना अभियान बाबत माहिती देऊन अभियानात सहभागी करून घेण्यात येणार आहे . त्याचबरोबर जिल्ह्यातील सर्व शासकीय , निमशासकीय विभागांचे अधिकारी, कर्मचारी ( महसूल विभाग , ग्रामपंचायत विभाग , शिक्षण विभाग , महिला व बाल कल्याण विभाग , कृषी विभाग व तालुका व ग्रामस्तरावरील इतर विभाग ) यांचा अभियानात सहभागी करून घेण्यात येणार आहे . त्याच प्रमाणे पत्रकार , सामाजिक संस्था यांचा सहभाग व सहकार्य घेण्यात येत आहे . त्याबाबत सर्व विभागांशी समन्वय साधण्यात बाबत कळवण्यात आले आहे . अभियान बाबत स्थानिक स्तरावर स्थानिक बोली भाषेत जनजागृती करण्यात येत असून दवंडी तसेच गावातील प्रतिष्ठित पदाधिकारी , नागरिक , अधिकारी , कर्मचारी , विद्यार्थी यांनी प्रचार फेरीचे आयोजन करण्यात येनार आहे , तालुकास्तरावरून अभियानाबाबत जास्तीत जास्त प्रसिद्धी देण्यात येणार असून नागरिकांनी कोविड १ ९ लस घेण्याबाबत प्रशासनामार्फत आवाहन करण्यात येत आहे .
