नंदुरबार l प्रतिनिधी
विसरवाडी सरपंच बकाराम गावित यांच्यासह शेकडो कार्यकर्ते 7 नोव्हेंबरला शिवसेना नेते चंद्रकांत रघुवंशी व जिल्हाध्यक्ष विक्रांत मोरे यांच्या उपस्थितीत शिवसेनेत प्रवेश करणार आहेत.
नवापुर तालुक्यातील विसरवाडी व परिसराचे गेल्या पंचवीस वर्षापासून विकासाचे दाता असलेले सरपंच बकाराम गावित यांच्यासह शेकडो कार्यकर्ते 7 नोव्हेंबरला शिवसेनेत प्रवेश करणार आहेत. शिवसेनेचे नेते चंद्रकांत रघुवंशी व शिवसेना जिल्हा अध्यक्ष विक्रांत मोरे, जिल्हा प्रमुख आमशा पाडवी यांच्या उपस्थितीत विसरवाडी ग्रामपंचायत कार्यालयासमोर 7 नोव्हेंबर रोजी संध्याकाळी पाच वाजता भव्य प्रवेशाचा कार्यक्रमाचे आयोजन करण्यात आले आहे. महाराष्ट्राचे मुख्यमंत्री व शिवसेनेचे सर्वेसर्वा उद्धव ठाकरे साहेब यांच्या कर्तृत्ववान कार्यामुळे विसरवाडी परिसरातील जनतेच्या विकासासाठी आपण काँग्रेस मधून शिवसेनेत प्रवेश करत असल्याची माहिती सरपंच बकाराम गावित यांनी दिली आहे. येत्या 7 नोव्हेंबरला होणाऱ्या प्रवेश कार्यक्रमात शिवसेना पक्षावर प्रेम करणाऱ्या युवकांनी कार्यक्रमात सहभागी व्हावे असे आवाहन सरपंच बकाराम गावीत यांनी केले आहे.
