नंदुरबार l प्रतिनिधी
नंदुरबार शहरातील दादा गणपती जवळील एका दुमजली इमारतीला अचानक आग लागल्यामुळे लोकांची धावपळ उडाली . उशिरापर्यंत नंदुरबार शहर पोलीस ठाण्यात गुन्हा नोंद करण्याची प्रक्रिया सुरू होती .
आज घरोघर लक्ष्मीपूजन चालू असताना आणि पूजाविधीमध्ये प्रत्येक घरात व्यक्ती व्यस्त असताना ही घटना घडली . त्यामुळे आग लागल्याचे लक्षात येईपर्यंत इमारतीचा लाकडी भाग बराचसा जळून खाक झाला . परंतु नगरपालिकेचा अग्नी शमनबंब वेळेवर दाखल झाला व आग आटोक्यात आणली गेली . जुनाट लाकडी बांधकामातील इमारती जवळ असल्यामुळे आग पसरण्याचा धोका होता . अग्निशमन दलाचे कर्मचारी वेळेत उपस्थित झाल्यामुळे पुढील अनर्थ टळला . कीर्ती भाई शहा व भालेराव शहा यांच्या मालकीची ईमारत असल्याचे स्थानिकांनी सांगितले . दिवाळीचे फटाके उडवले जात असल्यामुळे ही आग लागल्याची चर्चा होती तथापि शॉर्ट सर्किटमुळे आग लागल्या संबंधितांकडून सांगण्यात आले .उशिरापर्यंत पोलीस ठाण्यात गुन्हा नोंद करण्याची प्रक्रिया सुरू होती .
