नंदुरबार l प्रतिनिधी
शहादा तालुक्यात घोटाळी येथे कापसामध्ये बेकायदेशीररीत्या गांजाचे झाडांची लागवड केली होती.त्याठिकाणी स्थानिक गुन्हे शाखेची कारवाई करत 8 लाख 30 हजार 690 रुपये किमंतीचा गांजाची झाडे जप्त केली याप्रकरणी एकास अटक करण्यात आली आहे.
याबाबत अधिक माहिती अशी की, पोलीस उप महानिरीक्षक , नाशिक परिक्षेत्र , नाशिक यांचे आदेशान्वये संपूर्ण नाशिक परिक्षेत्रात N.D.P.S. बाबत विशेष मोहिम राबवून त्याचे समूळ उच्चाटन करण्याचे आदेश दिले होते त्या अनुषंगाने दि. २ नोव्हेंबर रोजी पोलीस अधीक्षक पी . आर . पाटील यांना गुप्त बातमीदारामार्फत शहादा तालुक्यात घोटाळी येथे एका इसमाने त्याचे शेतात बेकायदेशीररीत्या गांजाचे झाडांची लागवड केली असल्याची खात्रीशिर बातमी मिळाली . त्या अनुषंगाने पोलीस अधीक्षक पी . आर . पाटील यांनी स्थानिक गुन्हे अन्वेषण शाखेचे पोलीस निरीक्षक रविंद्र कळमकर व त्यांचे एक पथक तयार केले . स्थानिक गुन्हे शाखेचे पथक तसेच शहादा पोलीस ठाण्याचे पोलीस निरीक्षक राहुल पवार व त्यांचे अमंलदार हे घोटाळी गावाचे शिवारातील पाण्याचे तलावाजवळील कापसाचे पीक असलेल्या शेतांकडे पायी गेले असता सदर बातमीमधील संशयीत एका कापसाचे पिकाचे शेतात हालचाली करत असल्याचे दिसुन आले , स्थानिक गुन्हे शाखेचे पथक त्याच्या दिशेने येत असल्याचे समजताच तेथून पळ काढला त्याचा पाठलाग केला असता तो जंगलात पळून जाण्यात यशस्वी झाला . त्या इसमाच्या कापसाच्या शेताची पाहणी केली असता शेतात आतील बाजुस ठिक ठिकाणी हिरवट रंगाचे गांजा सदृश्य झाडांची लागवड केल्याचे दिसून आले , म्हणून स्थानिक गुन्हे अन्वेषण शाखेच्या पथकाने संपूर्ण शेती पिंजुन काढली असता तेथे 118 किलो 67 ग्रॅम वजनाचे 8 लाख 30 हजार 690 रुपये किंमतीची एकुण 83 गांजाची झाडे मिळुन आल्याने संशयीत फाडया भंगी पावरा रा . घोटाळी ता . शहादा याचे शेतात मिळुन आलेले गांजाची झाडे गुन्ह्याच्या पुढील तपासकामी योग्य ती सर्व कायदेशीर प्रक्रिया करून तला ताब्यात घेण्यात आले. त्याच्याविरुध्द गुंगीकारक औषधी द्रव्य व मनोव्यापारावर परिणाम करणारे पदार्थ अधिनियम 1985 अन्वये शहादा पोलीस ठाण्यात गुन्हा दाखल करण्यात आलेला आहे . सदरची कारवाई पोलीस अधीक्षक पी . आर . पाटील , अपर पोलीस अधीक्षक विजय पवार यांच्या मार्गदर्शनाखाली स्थानिक गुन्हे अन्वे , शाखेचे पोलीस निरीक्षक रविंद्र कळमकर , सहा . पोलीस निरीक्षक संदीप पाटील , शहादा पोलीस ठाण्याचे पोलीस निरीक्षक राहुल पवार , स्थानिक गुन्हे शाखेचे पोलीस हवालदार दिपक गोरे , प्रमोद सोनवणे , सजन वाघ , विनोद जाधव , मुकेश तावडे , पोलीस नाईक सुनिल पाडवी , बापु बागुल , विशाल नागरे , राकेश बसावे पुरुषोत्तम सोनार , विकास कापुरे , दिनेश लाडकर , संजय रामोळे , पोलीस अमलदार विजय ढिवरे , यशोदिप ओगले , चालक संजय बोरसे शहादा पोलीस ठाण्याचे पोलीस हवालदार दिपक परदेशी , पोलीस अमंलदार भरत ओगले , दिनकर चव्हाण यांच्या पथकाने केली असून पोलीस अधीक्षक , नंदुरबार पी . आर . पाटील यांनी पथकाचे अभिनंदन केले आहे .
