नंदुरबार l प्रतिनिधी-
माध्यमिक व उच्च माध्यमिक शाळांच्या मुख्याध्यापकांचे प्रश्न, शैक्षणिक क्षेत्रातील बदल आणि संघटनात्मक वाटचालीला नवी दिशा देण्यासाठी नंदुरबार जिल्हा माध्यमिक व उच्च माध्यमिक शाळा मुख्याध्यापक संघाची नूतन कार्यकारिणी गठित करण्यात आली. यशवंत विद्यालय, नंदुरबार येथे झालेल्या कौन्सिल सदस्यांच्या बैठकीत पुढील पाच वर्षांसाठी कार्यकारिणीची एकमताने निवड करण्यात आली. यामध्ये अध्यक्षपदी पुष्पेंद्र रघुवंशी, कार्याध्यक्ष कुंदन पाटील यांची तर सचिवपदी चंद्रकांत पाटील तर प्रवक्तापदी दिनेश साळुंखे यांची निवड करण्यात आली.
बैठकीला संघाचे अध्यक्ष मुकेश पाटील यांच्या अध्यक्षतेखाली झालेल्या बैठकीस माजी विभागीय अध्यक्ष सुनील भामरे (नवापूर), सल्लागार निमेष सूर्यवंशी (तळोदा) व जयदेव पाटील (शहादा) यांची प्रमुख उपस्थिती होती. बैठकीत संघाच्या आगामी वाटचालीसह विविध शैक्षणिक व संघटनात्मक विषयांवर सविस्तर चर्चा करण्यात आली. मुकेश पाटील, सुनील भामरे, कुंदन पाटील, पुष्पेंद्र रघुवंशी, मुख्याध्यापक अंबालाल पाटील, दिनेश साळुंखे यांनी मनोगत व्यक्त केले. चर्चेनंतर जिल्ह्यातील सर्व कौन्सिल सदस्यांच्या सहमतीने नूतन कार्यकारिणीची निवड करण्यात आली.
नूतन कार्यकारिणीत अध्यक्षपदी पुष्पेंद्र रघुवंशी (नंदुरबार), कार्याध्यक्ष कुंदन पाटील, सचिवपदी चंद्रकांत पाटील (शहादा) यांची निवड करण्यात आली तर उपाध्यक्षपदी विनय गावित, अंबालाल पाटील (नवापूर), फैयाज खान, मनोहर साळुंखे (नंदुरबार), रफिक जहागीरदार (अक्कलकुवा), कालिदास पाठक (धडगाव), जगदीश पाटील, किरण पाटील (शहादा), योगेश पाटील (तळोदा) यांची निवड झाली. सहसचिवपदी निंबा माळी (नंदुरबार), विद्या सचिवपदी सुधाकर सैंदाणे (शहादा), सहविद्या सचिवपदी अजीम शेख (नवापूर), कोषाध्यक्षपदी संजय कुमार जाधव (नवापूर), सहकोषाध्यक्षपदी राकेश जोशी (शहादा), संपादकपदी सुनील परदेशी (तळोदा), ऑडिटरपदी दिनेश बिरारीस (नवापूर), सहसंपादकपदी सुभाष राहसे (धडगाव), तर महिला प्रतिनिधीपदी संध्या पटेल यांची निवड करण्यात आली.
नूतन कार्यकारिणीच्या माध्यमातून जिल्ह्यातील माध्यमिक व उच्च माध्यमिक शाळांच्या मुख्याध्यापकांच्या विविध प्रश्नांना प्रभावीपणे वाचा फोडण्यासह शैक्षणिक क्षेत्रातील बदलांशी समन्वय साधत संघाची वाटचाल पुढे नेण्याचा निर्धार यावेळी नवनियुक्त अध्यक्ष पुष्पेंद्र रघुवंशी व कार्यकारिणीने व्यक्त केला. बैठकीस जिल्ह्यातील सर्व कौन्सिलर सदस्य उपस्थित होते. पुष्पेंद्र रघुवंशी यांनी आभार मानले.
