नंदुरबार l प्रतिनिधी
जिल्हा पोलीस दलातील २ पोलीस हवालदार प्रशासकीय तांत्रीक अडचणींमुळे पदोन्नतीपासुन वंचित होते .याची दखल घेत पोलीस अधीक्षक पी . आर . पाटील यांनी त्यांना सहाय्यक पोलीस उप निरीक्षक पदी पदोन्नती देण्यात आली.
आपल्या शासकीय सेवेचे दिर्घ टप्पे ओलांडुन मिळणारी पदोन्नती ही शासकिय कर्मचारी विशेषतः पोलीस अंमलदारांसाठी जिव्हाळ्याचा विषय असतो . नंदुरबार जिल्हा पोलीस दलातील पोलीस हवालदार संजय नागो बडगुजर व पोलीस हवालदार बबन बापू पाटील हे सहा पोलीस उप निरीक्षक पदी पदोन्नतीस पात्र असूनदेखील काही प्रशासकीय तांत्रीक अडचणींमुळे पदोन्नतीपासुन वंचित होते . त्याबाबत पोलीस अधीक्षक पी . आर . पाटील यांनी सदर विषय अत्यंत गांभिर्याने घेऊन दोन्ही पोलीस हवालदार त्यांचे समक्षच पदोन्नतीची फाईल मागवून घेत त्यातील प्रशासकीय तांत्रीक अडचणींवर तात्काळ निर्णय घेऊन तासाभरात दोन्ही पोलीस हवालदार यांना सहा . पोलीस उप निरीक्षक पदी पदोन्नती दिली . तसेच त्यांचे पुष्पगुच्छ व पदोन्नती आदेश देऊन पदोन्नतीबद्दल हार्दिक अभिनंदन केले . पदोन्नती झालेले पोलीस हवालदार संजय नागो बडगुजर व पोलीस हवालदार बबन बापू पाटील यांना त्यांची दिर्घकाळापासून रखडलेली पदोन्नती इतक्या जलद गतीने निर्णय घेऊन पदोन्नती मिळेल यावर विश्वासच बसला नाही . त्यांना त्यांचा पदोन्नतीचा आदेश हातात मिळाल्यानंतर आनंदाश्रू आवरता आले नाहीत . पदोन्नती मिळाळ्यानंतर त्यांनी पोलीस अधीक्षक यांचे आभार व्यक्त केले आहेत . पोलीस अधीक्षक यांनी यावेळी जिल्ह्यातील पोलीस अंमलदारांचे कोणतेही प्रश्न जलद गतीने सोडविले जातील तसेच पोलीस अधिकारी अंमलदार यांचे कल्याणाकडे वैयक्तीक लक्ष देणार असल्याचे सांगितले .
