नंदुरबार l प्रतिनिधी-
भालेर येथील श्रीमती क.पु. पाटील माध्यमिक विद्यालय व कनिष्ठ महाविद्यालय चा सन २०२६ च्या दहावी परीक्षेचा निकाल जाहीर झाला असून विद्यालयाने ८६.२७ टक्के निकालाची उल्लेखनीय कामगिरी नोंदविली आहे. यंदा विद्यालयातील एकूण ४४ विद्यार्थी उत्तीर्ण झाले आहेत.
विद्यालयातून प्रथम क्रमांक भाविका विनोद पाटील हिने ८८.८० टक्के गुण (४४४) मिळवून पटकावला. द्वितीय क्रमांक ऋषिकेश मनोजकुमार अहिरे याने ८६.८० टक्के गुण (४३४) मिळवून मिळविला. तृतीय क्रमांक भारती अरुण पिंपळे हिने ८५.८० टक्के गुण (४२९) प्राप्त केले. चतुर्थ क्रमांक ध्रुव भगवान पाटील याने ८४.०० टक्के गुण (४२०) मिळविले, तर अश्विनी योगेश पाटील हिने ८३.८० टक्के गुण (४१९) मिळवून पाचवा क्रमांक पटकावला.
या यशस्वी विद्यार्थ्यांचे संस्थेचे अध्यक्ष भास्करराव हिरामण पाटील, कार्याध्यक्ष विजय पाटील, उपाध्यक्ष चंद्रशेखर पाटील, सचिव, सर्व संचालक मंडळ, प्राचार्या, पर्यवेक्षक, प्राध्यापक, शिक्षक-शिक्षिका तसेच शिक्षकेत्तर कर्मचाऱ्यांनी अभिनंदन करून पुढील शैक्षणिक वाटचालीसाठी शुभेच्छा दिल्या.
