नंदुरबार l प्रतिनिधी
भादवड ता. नंदुरबार येथील श्री छत्रपती शिवाजी महाराज माध्यमिक विद्यालय या नं. ता. वि. समिती संचलित विद्यालयाने फेब्रुवारी २०२६ मध्ये घेण्यात आलेल्या माध्यमिक शालांत प्रमाणपत्र (दहावी) परीक्षेत शंभर टक्के निकालाची गौरवशाली परंपरा कायम राखली आहे.
विद्यालयातील एकूण ३० विद्यार्थी परीक्षेसाठी प्रविष्ट झाले होते. त्यापैकी १८ विद्यार्थी विशेष प्राविण्यासह तर १२ विद्यार्थी प्रथम श्रेणीत उत्तीर्ण झाले आहेत.
विद्यालयात स्वामी सुकलाल पाटील याने ८४.४० टक्के गुण मिळवून प्रथम क्रमांक पटकावला. यशपाल निंबा गिरासे याने ८३.८० टक्के गुणांसह द्वितीय क्रमांक मिळविला. रामचंद्र गुलाब पाटील व रिया गोविंदा गिरासे यांनी प्रत्येकी ८३.६० टक्के गुण मिळवून संयुक्त तृतीय क्रमांक प्राप्त केला. मयूर प्रवीण पाटील याने ८३.२० टक्के गुणांसह चौथा, तर ललित वसंत पाटील याने ८२.८० टक्के गुण मिळवून पाचवा क्रमांक पटकावला.
या यशस्वी विद्यार्थ्यांचे संस्थेचे चेअरमन तथा विधान परिषदेचे आमदार चंद्रकांत रघुवंशी, व्हाईस चेअरमन मनोज रघुवंशी, ज्येष्ठ संचालक बी. के. पाटील, संस्थेचे अधीक्षक तथा प्राचार्य पुष्पेंद्र रघुवंशी, विद्यालयाचे मुख्याध्यापक ए. बी. पाटील तसेच सर्व शिक्षक-शिक्षिका व शिक्षकेतर कर्मचाऱ्यांनी अभिनंदन करून भावी वाटचालीस हार्दिक शुभेच्छा दिल्या.
