नंदुरबार l प्रतिनिधी-
नांदरखे ता. नंदुरबार प्रगती विद्या प्रसारक संस्था संचालित वि.जा.भ.ज. प्राथमिक व माध्यमिक आश्रम शाळा येथील इयत्ता दहावीच्या फेब्रुवारी २०२५-२६ शैक्षणिक वर्षाच्या परीक्षेत विद्यार्थ्यांनी घवघवीत यश संपादन केले आहे.
विद्यालयातून जितेश कनीराम राठोड याने ७६ टक्के गुण मिळवून प्रथम क्रमांक पटकावला. कृष्णा जगन राठोड याने ७४.४० टक्के गुणांसह द्वितीय, तर पूजा सुभाष पवार हिने ७३.८० टक्के गुण मिळवून तृतीय क्रमांक प्राप्त केला. आनंद दयाराम राठोड याने ७१ टक्के गुण मिळवून चतुर्थ क्रमांक मिळविला.
यशस्वी विद्यार्थ्यांचा संस्थेचे चेअरमन विशाल पाटील, मुख्याध्यापिका प्राप्ती पाटील तसेच प्राथमिक मुख्याध्यापक सागर नामगे यांनी पुष्पगुच्छ देऊन सत्कार केला. यावेळी सर्व शिक्षक व शिक्षकेतर कर्मचारी उपस्थित होते.
उत्तीर्ण झालेल्या सर्व विद्यार्थ्यांचे अभिनंदन करून पुढील शैक्षणिक वाटचालीस शुभेच्छा देण्यात आल्या.
