नदुरबार l प्रतिनिधी
आदिवासी विकास विभागातर्फे केंद्र शासनाच्या भारतीय संविधानाचे अनुच्छेद 275(1) अंतर्गत आदिवासी शेतकऱ्यांना शेतीसाठी उपयुक्त शेती अवजारे देणे योजनेचा लाभ देण्यासाठी तळोदा, अक्कलकुवा व धडगांव तालुक्यातील अनुसूचित जमातीच्या शेतकऱ्याकडून 30 नोव्हेंबर 2021 पर्यत अर्ज मागविण्यात येत आहे.
शेती अवजारे योजनेसाठी अर्जासोबत जातीचा दाखला, आधार कार्ड, दारिद्रय रेषेखालील (बीपीएल) दाखला, दिव्यांग दाखला, आदिम जमाती, विधवा, परितक्त्या असल्याचा दाखला, सातबारा उतारा किंवा वन पट्टा दाखला, रहिवास दाखला, बॅक पासबूक, अर्जदाराचे नजीकच्या काळातील दोन पासपोर्ट साईज फोटो, ग्रामसभेचा ठराव, तसेच यापुर्वी शेती अवजारे योजनाचा शासकीय योजनामधुन लाभ न घेतल्याचा दाखला (स्वयंघोषणापत्र) इत्यादी कागदपत्रे अर्जासोबत जोडणे आवश्यक राहील.
अधिक माहिती व अर्जासाठी (सुटीचे दिवस वगळून ) एकात्मिक आदिवासी विकास प्रकल्प कार्यालय, तळोदा जि. नंदुरबार येथे संपर्क साधावा, असे आवाहन प्रकल्प अधिकारी तथा सहाय्यक जिल्हाधिकारी डॉ. मैनाक घोष यांनी प्रसिध्दीस दिलेल्या शासकीय पत्रकान्वये केले आहे.
