नंदुरबार l प्रतिनिधी-
भारतीय जनता पक्षाचे संघटन आणि आगामी काळात येणाऱ्या निवडणुकांच्या पार्श्वभूमीवर माजी आदिवासी विकास मंत्री आमदार डॉ.विजयकुमार गावित यांच्या मार्गदर्शनाखाली संसद रत्न माजी खासदार डॉक्टर हिना गावित यांनी जिल्हा परिषदेच्या गटनिहाय बैठका घेणे सुरू केले असून प्रत्येक जिल्हा परिषद गटातील पक्षीय कार्यकर्ते पदाधिकारी आणि सरपंच उपसरपंच व सदस्य यांच्यामध्ये नवा उत्साह संचारला आहे.
नंदुरबार तालुक्यातील नटावद येथे या अंतर्गतच महत्त्वाची आढावा बैठक पार पडली. नटावद येथील सामाजिक सभागृहात पार पडलेल्या या बैठकीत भारतीय जनता पक्षाचे पदाधिकारी कार्यकर्ते तसेच सरपंच उपसरपंच ग्रामपंचायत सदस्य माजी जिल्हा परिषद सदस्य यांना माजी आदिवासी विकास मंत्री आमदार डॉ विजयकुमार गावित यांच्या मार्गदर्शनाखाली संसदरत्न माजी खासदार डॉ हिना गावित यांनी विविध विषयांवर मार्गदर्शनपर महत्त्वाचा संवाद साधला. सरपंच जयश्री गावित माजी सरपंच पंकज गावित, सरपंच महेंद्र वळवी, पंचायत समिती सदस्य जयंत वळवी, माजी सरपंच ईसाराम वळवी, सरपंच अशोक वळवी, उपसरपंच अविनाश गावित, सरपंच सोनाली वळवी, उपसरपंच दीपक वळवी, इंद्रसिंग महाराज यांच्यासह विविध गावातील सरपंच उपसरपंच ग्रामपंचायत सदस्य भाजपा पदाधिकारी कार्यकर्ते उपस्थित होते.
