नंदुरबार l प्रतिनिधी
दुसऱ्या पत्नीसाठी पहिल्या पत्नीने घरातून निघून जावे , नवऱ्याने मारहाण करीत पहिल्या पत्नीला थेट विजेचा धक्का देऊन मारण्याचा प्रयत्न केला . पीडितेच्या फिर्यादीतून पहिल्या पत्नीला शॉक देणाऱ्या नवरा त्याची दुसरी पत्नी आणि त्याचे वडील यांच्या विरोधात गुन्हा नोंद झाला आहे .
याबाबत पोलीस सूत्रांनी दिलेल्या माहितीनुसार, तळोदा येथील लक्ष्मी तिरसिंग पटले यांचे पती मुकेश जयसिंग खर्डे आणि त्यांची दुसरी पत्नी गीता खर्डे यांनी आमच्या घरातून निघून जा , असा तगादा लावून मानसिक शारीरिक त्रास देणे चालवले होते . यातूनच पती मुकेश व त्याची दुसरी पत्नी गिता हिने शिवीगाळ करुन हाताबुक्यांनी मारहाण केली . तर आमचे घरातुन निघुन जा असे सांगुन सासरे जयसिंग यांनीही शिवीगाळ करुन ढकलून दिले . नंतर संध्या ७ वा . सुमारास पती मुकेश व त्याची दुसरी पत्नी गिता हिने फिर्यादीचा हात धरुन घरातील इलेक्ट्रीक बल्ब सॉकेट जवळ ओढत नेले . तेव्हा शॉक लागल्याने लक्ष्मी खर्डे या जमीनीवर पडून बेशुध्द झाल्या . शुध्दीवर आल्यावर पाठीवर जखम झाल्याचे त्यांना लक्षात आले . मालदा , ता . तळोदा येथे मुकेश खर्डे यांच्या राहत्या घरी दि . ७ ऑक्टोबर २०२१ रोजी ही घटना घडली. .याप्रकरणी लक्ष्मी तिरसिंग पटले यांच्या फिर्यादीवरून पती मुकेश जयसिंग खर्डे , दुसरी पत्नी गीता खर्डे व जयसिंग मिठा खर्डे सर्व रा. मालदा ता. तळोदा यांच्या विरूद्ध तळोदा पोलीस ठाण्यात गुन्हा दाखल करण्यात आला आहे.याप्रकरणी पुढील तपास पोलीस हवलदार बोराले करीत आहेत.
