नंदुरबार l प्रतिनिधी
नंदुरबार येथील विजय गौरव क्रीडा महोत्सव समितीच्या वतीने नंदुरबार लोकसभा मतदार संघाच्या माजी खा.डॉ.हिना गावित यांच्या वाढदिवसानिमित्त दि.२७ व २८ जून रोजी सलग दोन दिवस विविध क्रीडा स्पर्धा व सांस्कृतिक कार्यक्रमांचे आयोजन करण्यात आले आहे. विजेत्यांना पारितोषिके देण्यात येणार असून या स्पर्धांमध्ये खेळाडूंनी सहभागी व्हावे, असे आवाहन आयोजन समितीने केले आहे.
नंदुरबार येथे आ.डॉ.विजयकुमार गावित यांच्या निवासस्थानी पत्रकारपरिषद घेण्यात आली. याप्रसंगी भाजपाचे माजी तालुकाध्यक्ष जितेंद्र पाटील यांनी माजी खा.डॉ.हिना विजयकुमार गावित यांच्या वाढदिवसानिमित्त २७ व २८ जूनला विविध स्पर्धा व कार्यक्रमांची माहिती दिली.
नंदुरबार येथे दि. २७ व २८ जून २०२५ असे दोन दिवस विविध क्रीडा स्पर्धा व सांस्कृतिक कार्यक्रमांचे माजी खा. डॉ. हिना गावित यांच्या वाढदिवसानिमित्त आयोजन केले आहे.
दि.२८ जून रोजी सकाळी ७ वाजता मॅरेथॉन स्पर्धांना आ.डॉ. विजयकुमार गावित यांच्या निवासस्थानापासून सुरुवात होईल. ही मॅरेथॉन चार गटात होणार असून इयत्ता ८ वी ते १० वी मुले पाच किमीचा पहिला गट, इ.८ वी ते १० वी मुली पाच किमीचा दुसरा गट व सिनीयर गट पुरुष २१ किमीचा तिसरा आणि सिनीयर गट महिला १० किमीचा चौथा गट असेल. मॅरेथान स्पर्धेसाठी प्रा. डॉ. ईश्वर धामणे व प्रा. निकुंभ यांच्या संपर्क साधावा. तसेच दि. २७ व २८ जून रोजी सकाळी ७ वाजता नंदुरबार शहरातील एस.ए. मिशन हायस्कूलमध्ये फुटबॉल स्पर्धा होणार आहे.
ही फुटबॉलची स्पर्धा अंडर १४ (मुले फक्त) व अंडर १९ (मुले फक्त) अशी असून अमोल डलगे, डॉ. हिवाळे यांच्याशी स्पर्धेसाठी संपर्क साधावा. दि.२८ जून रोजी सकाळी नऊ वाजता नंदुरबार पंचायत समितीच्या स्व. हेमलताबाई सभागृहात बुध्दीबळ स्पर्धा होणार आहे. मुले/मुली (अंडर ११), मुले/मुली (अंडर १५), महिला/पुरुष खुला गट व मुले/मुली (अंडर ७) या गटानुसार बुध्दीबळ स्पर्धा होणार असून शोभराज खोंडे यांच्याशी संपर्क साधावा. दि. २७ जून रोजी सकाळी १० वाजता नंदुरबार येथे बाबा रिसॉर्टमध्ये ग्रँड मेकअप कॉम्पीटीशन ही स्पर्धा केवळ महिलांसाठी असून वेस्टर्न व ट्रॅडिशनल अशी असेल. या ग्रँड मेकअप स्पर्धेकरीता नेहा पारेख व मितेश भावसार यांच्याशी संपर्क करावा.
दि.२८ जून रोजी सकाळी ८ वाजता गिरीविहार वाडीत रांगोळी स्पर्धा ही मुले/मुली (अंडर १९), मुले / मुली (सिनीयर गट) अशी असणार आहे. स्पर्धेसाठी संपर्क डी.यु. पाटील. दिक्षीत यांच्याशी साधावा. दि. २७ जून रोजी सकाळी १० वाजता बाबा रिसार्ट येथे नृत्य स्पर्धेचे आयोजन केले आहे. या सांस्कृतिकमध्ये सोलो व ग्रुप डान्स असणार आहेत. या स्पर्धेकरीता क्रीष्णा बोरसे यांच्याशी संपर्क करावा. या सर्व स्पर्धांसाठी नाव नोंदणी दि. २६ जून रोजी सायंकाळी ५ वाजेपर्यंत करण्यात येईल. स्पर्धांमधील विजेत्या स्पर्धकांना दि. २८ जून रोजी सायंकाळी पाच वाजता नंदुरबार येथे बाबा रिसॉर्टमध्ये पारितोषिक वितरण करण्यात येणार आहे.
तसेच सर्व आयोजित स्पर्धांचे उद्घाटन व पारितोषिक वितरण आ.डॉ. विजयकुमार गावित, माजी खा. डॉ. हिना गावित, माजी जि.प.अध्यक्षा डॉ. सुप्रिया गावित यांच्या हस्ते करण्यात येणार आहे. या विविध स्पर्धांमध्ये खेळाडूंनी सहभागी व्हावे, असे आवाहन विजय गौरव क्रीडा महोत्सव समिती नंदुरबार यांच्या वतीने करण्यात आले आहे. यावेळी भाजपा नंदुरबार तालुकाध्यक्ष दिपक पाटील, मुन्ना पाटील, ईश्वर धामणे, सागर तांबोळी, श्याम मराठे, आनंद माळी, लक्ष्मण माळी, संतोष वसईकर, महेंद्र पाटील आदी उपस्थित होते.
