नंदुरबार l प्रतिनिधी
मृद व जलसंधारण विभागा अंतर्गत नंदुरबार जिल्ह्यात सुमारे ३०-३५ वर्षापासून जुन्या असलेल्या एकूण २७ लघु पाटबंधारे योजनांची दुरुस्ती करुन व बंद पडलेल्या पारंपरिक कालव्या ऐवजी भूमिगत बंदिस्त नलिका वितरण प्रणालीद्वारे शेतकऱ्याच्या शेतात पाणी देण्याची महत्त्वाकांक्षी योजना राबवण्यात येत असून, त्या जुन अखेर पूर्ण करून शेतकऱ्यांच्या शेतावर थेट पाणी पोहोचविणार असल्याची माहिती मृद व जलसंधारण विभागाचे नाशिक प्रादेशिक जलसंधारण अधिकारी इंजि. हरिभाऊ गिते यांनी दिली आहे.
इंजि. हरीभाऊ गिते यांनी लघु पाटबंधारे योजना गढावली, पडळपूर व रोझवे ता. तळोदा या कामांची नुकतिच पाहणी केली. ह्या योजना जुन अखेर पुर्ण करुन शेतकऱ्यांना शेतावर पाणी पोहचले अशा सूचना संबंधित अधिकाऱ्यांना दिल्या आहेत. या योजनांवर पाणी वापर संस्था स्थापन केल्या जाणार असून, त्यांचे सक्षमीकरण करून त्यांना प्रशिक्षण देण्यात येणार आहे. पाणी वापर संस्थांकरिता इमारतींची उभारणी करण्यात येणार आहे. ज्या शेतात उभी पिके आहेत, तिथे खोदकाम करताना पिकांचे नुकसान न करता जमिनीतून बंदिस्त पाईप टाकण्यात येणार आहेत, असेही श्री. गिते यांनी यावेळी सांगितले.
पाहाणी दरम्यान जिल्हा जलसंधारण अधिकारी (मृद व जलसंधारण विभाग नंदुरबार) आर. एच. झुरावत, उपविभागीय जलसंधारण (नंदुरबार) अधिकारी, निलेश पाटील, शहादा उपविभागाचे उपविभाग श्रीनिवास पुरी, जलसंधारण अधिकारी तेजस रहाणे व कंत्राटदार लाभघारक शेतकरी उपस्थित होते.
*योजनांची वैशिष्ट्ये…*
• *गढावली लघुपाटबंधारे योजना*
काम पूर्ण वर्ष: 1988
पाणीसाठा: 940 घनमीटर
सिंचनाखाली येणारे क्षेत्र: 122 हेक्टर
• *पडळपूर लघुपाटबंधारे योजना*
काम पूर्ण वर्ष: 1994
पाणीसाठा: 1700 घनमीटर
सिंचनाखाली येणारे क्षेत्र: 225 हेक्टर
• *रोझवे लघुपाटबंधारे योजना*
काम पूर्ण वर्ष: 1997
पाणीसाठा: 1740 घनमीटर
सिंचनाखाली येणारे क्षेत्र: 363 हेक्टर
