नंदुरबार l प्रतिनिधी-
हिंदु सेवा सहाय्य समितीने गेल्या एक वर्षापासून जुनी नगरपालिका स्थित शिवछत्रपतींचा स्मारकावर दररोज सकाळी ७ वाजता नित्य अभिषेक पूजन सुरू केले आहे. या उपक्रमाचा एक वर्षपुर्ती निमित्ताने शिवछत्रपती पुतळ्याचे वेदमंत्रांचा घोषात सामूहिक अभिषेक-पूजन कार्यक्रम तिथीनुसार आश्विन मास. शु.प. एकादशी शनिवार दि.१६ आक्टोम्बर २०२१ करण्यात आले.
कार्यक्रमाची सुरुवात शिवछत्रपतींचा पूर्ण घोषणाने बालधारकरी विनायक राजपूत याने करून आकाश गावित यांनी प्रेरणामंत्राने सुरुवात केली. धर्मसेवक डॉ नरेंद्र पाटील यांनी उपक्रम सुरू करण्याचा उद्देशात सांगितले की, ज्यांनी हिंदवी स्वराज्य स्थापन केले अश्या महान शिवछत्रपतींचे स्मरणाने दिवसाची सुरुवात हिंदूंनी करावी, महाराजांचा पुतळ्याची नित्य सेवा व्हावी याउद्देशाने दररोज सकाळी ७ वाजता हा उपक्रम गेल्या एकवर्षापासून सुरू केला आहे तरी सर्वांनी अभिषेक पूजनासाठी दररोज उपस्थित राहण्याचे आवाहन केले. यानंतर छत्रपती शिवाजी महाराज यांचा पुतळ्याचे वेदमंत्रांचा जयघोषात दूधाभिषेक, सुगंधी द्रव्यांनी जलाभिषेक उपस्थित शिवभक्तांनी केला. वेदमंत्र पठण, माल्यार्पण ह भ प रविंद्र पाठक महाराज यांनी केले महाराजांची आरती आणि ध्येय मंत्र, घोषणांनी कार्यक्रमाची सांगता करण्यात आली. सूत्रसंचालन व आभार प्रदर्शन राजू चौधरी यांनी केली. यावेळी भाजपचे जिल्हाध्यक्ष विजय चौधरी, जयहिंद प्रतिष्ठानचे मोहित राजपूत, विहिंप दादा शिनगर, क्षत्रीय राणा राजपूत समाज सेवा समितीचे चेतन राजपूत व पदाधिकारी, हिंदु जनजागृती समितीचे डॉ सतिष बागुल व कार्यकर्ते तसेच शिवभक्त, हिंदुत्ववादी मोठ्या संख्येने उपस्थित होते. कार्यक्रम यशस्वीतेसाठी हिंदु सेवा सहाय्य समितीचा धर्मसेवकांनी परिश्रम घेतले.
