नंदुरबार l प्रतिनिधी
समुत्कर्ष शैक्षणिक व बहूउद्देशिय संस्था नंदुरबार संचलित प्रतिभा महिला स्वयंरोजगार व प्रशिक्षण केंद्र नंदुरबार तर्फे हळदी कुंकू कार्यक्रमा निमित्त स्वयंरोजगार व विविध कौशल्य प्रशिक्षणाचे मार्गदर्शन करण्यात आले.
गिरीविहार गेट परीसरातील प्रतिभा : महिला स्वयंरोजगार व प्रशिक्षण केंद्र, नंदुरबार तर्फे आयोजित हळदी कुंकू कार्यक्रमाच्या अध्यक्षा न.प. नंदुरबार येथील सौ. मानसी मराठे तसेच प्रमुख पाहुणे म्हणून जन शिक्षण संस्थान नंदुरबार -१ च्या संचालिका मंडळाच्या सदस्या हेमा राखी आणि रामकृष्ण मठाच्या सुनिता पाटील तसेच माजी जि.प. सदस्या मिराबाई माळी या होत्या.
कार्यक्रमांत मान्यवरांकडून मार्गदर्शन करण्यात आले त्यात त्यांनी महिला संघटनानेच त्यांचा उद्धार होणार असल्याचे सांगून, त्यासाठी विविध शासनाच्या योजनांची माहिती दिली.तसेच काही महिन्यांपासून सुरू असलेल्या समुत्कर्ष शैक्षणिक व बहूउद्देशिय संस्था नंदुरबार संचलित, प्रतिभा : महिला स्वयंरोजगार व प्रशिक्षण केंद्रातर्फे विविध कौशल्य कार्यक्रमाचे ही कौतुक याठिकाणी करण्यात आले. कार्यक्रमाच्या यशस्वीतेसाठी सौ. हेमलता महाजन, सपना श्रॉफ, विजयता पाटील, अर्चना मराठे, रीना पाटील, मिनाक्षी देसले, सारिका पाटील, पुजा लांडे, हिरल सोनार, मनिषा महाजन, ज्योती महाजन, मयुरी महाजन, पूनम माळी, कोमल माळी यांनी परिश्रम घेतले.
