नंदुरबार l प्रतिनिधी
स्वास्थ्य सहेली उपक्रमाअंतर्गत नंदुरबार जिल्ह्यातील 24 शाळेमध्ये मध्ये किशोरवयीन मुलींना येणाऱ्या समस्या व उपाय या विषयावर चार्ट मेकिंग स्पर्धा घेण्यात आली. यात 160 किशोरी मंचच्या एकूण 3200 विद्यार्थिनींनी सहभाग नोंदविला. नंदुरबार तालुक्यातील वाघाळे येथील शासकीय आश्रम शाळा येथे राष्ट्रीय बालिका दिनानिमित्त मान्यवरांच्या हस्ते विजेत्यांचा सत्कार करण्यात आला.
किशोरी मुलींना अनेक समस्यावर मार्गदर्शनाची अत्यंत गरज असते. भारतकेअर्स ( S. M. E. C Trust ) मेट्रोपोलीस फाउंडेशन यांच्या सहकार्याने नंदुरबार जिल्ह्यात स्वास्थ्य सहेली या प्रकल्पअंतर्गत 30 हजाराहून अधिक किशोरी मुलींपर्यंत पोहोचून मार्गदर्शन करीत आहे.स्वास्थ्य सहेली प्रोजेक्ट अंतर्गत राष्ट्रीय बालिका दिनानिमित्त शासकीय माध्यमिक आश्रमशाळा, वाघाळे येथे कार्यक्रम घेण्यात आला.
यावेळी महिला व बाल विकास विभागाचे विस्तार अधिकारी शंकर निकाळजे ग्रामपंचायत सदस्य उपस्थित होते, वाघाळे आश्रमशाळेतील शिक्षक यांची प्रमुख उपस्थिती होती.
या स्पर्धेत प्रथम क्रमांक अनुदानित आश्रम शाळेतील कावेरी किशोरी मंच जोगीनीपाडा येथील विद्यार्थिनींनी पटकवला आहे. तिला शिक्षिका रिना सूर्यवंशी यांचे मार्गदर्शन लाभले.
तसेच द्वितीय क्रमांक कस्तुरबा गांधी बालिका विद्यालयातील महादेव किशोरी मंच लोणखेडा, शहादा येथील विदयार्थिनीं पटकवला आहे. मार्गदर्शक शिक्षिका नंदा मकवाने यांनी केले. तृतीय क्रमांक अनुदानित आश्रम शाळा पाटलीपाडा व शासकीय आश्रम शाळा वाघाळे असे विभागुन देण्यात आला आहे.अनुदानित आश्रम शाळा पाटलीपाडा येतील विदयार्थिनींना मार्गदर्शक शिक्षिका रिना पाटील यांनी केले व शासकीय आश्रम शाळा वाघाळे येथील विदयार्थिनींना सहभागी करून स्पर्धेसाठी मार्गदर्शक शिक्षिका दिपाली वाडीले व श्रीमती देशमुख यांनी मार्गदर्शन केले. विद्यार्थिनींना मार्गदर्शन करण्यासाठी उपस्थितीत मान्यवर व मेट्रोपोलीस फौंडेशन मधुन शिवानंद पोळ व भारत केअर्सच्या श्रद्धा दोषी यांच्या हस्ते मेन्स्ट्रुअल हायजीन किट व प्रमाणपत्र देऊन गौरविण्यात आले. सुत्रसंचलन निकिता टेकाळे व प्रस्तावना राधा वाघमारे, भाग्यश्री संजराय व जयश्री कोळी यांनी कार्यक्रमासाठी उपस्थितांचे आभार व्यक्त केले.
